BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ماكەدونيا رەسپۋبليكاسىنىڭ اتاۋى وزگەرەدى

گرەكيا مەن ماكەدونيانىڭ پرەمەر-مينيسترلەرى الەكسيس سيپراس پەن زوران زايەۆ 27 جىلعا سوزىلعان داۋدىڭ شەشىمى رەتىندە بالقان مەملەكەتىنىڭ جاڭا اتاۋىن «سولتۇستىك ماكەدونيا رەسپۋبليكاسى» دەپ وزگەرتۋگە كەلىسكەندەرىن مالىمدەدى. ەندى وسى جىلدىڭ سوڭىندا مەملەكەتتە ماكەدونيا رەسپۋبليكاسى اتاۋىن رەسمي تۇردە وزگەرتۋگە بايلانىستى جالپىحالىقتىق رەفەرەندۋم وتەدى، دەپ حابارلايدى baq.kz اقپارات اگەنتتىگى abc news-كە سىلتەمە جاساپ.

ماكەدونيا رەسپۋبليكاسى كوپ جىلدار بەرى وسى اتاۋى ٴۇشىن ناتو مەن ەۋرووداققا مۇشە بولا الماي كەلەدى. ال جاڭا اتاۋ ەندى مەملەكەتتىڭ ىشىندە عانا ەمەس، حالىقارالىق دەڭگەيدە دە قولدانىلاتىن بولادى. جاڭا وزگەرىستەرگە بايلانىستى ماكەدونيا ەندى ٴوزىنىڭ كونستيتۋسياسىنا وزگەرىس ەنگىزۋى كەرەك.

گرەكيا مەملەكەتتىڭ سولتۇستىگىندەگى ماكەدونيا قالاسىنا بايلانىستى شەكارالىق شيەلەنىستى بولدىرماۋ ماقساتىندا ماكەدونيا رەسپۋبليكاسىنان اتاۋىن وزگەرتۋ تۋرالى بۇرىننان تالاپ ەتىپ كەلەدى.

«ارتقا قايتار جول جوق. ٴبىز شيرەك عاسىردان استام ۋاقىت بويى مەملەكەتتى كەرى تارتىپ جۇرگەن بۇل داۋدى شەشۋگە مىقتاپ بەكىندىك»، دەدى ماكەدونيانىڭ پرەمەر-مينيسترى زايەۆ.

ال گرەكيانىڭ پرەمەرى سيپراس «بۇل وزگەرىس گرەكتەردىڭ ماكەدونياسى مەن سولتۇستىكتەگى كورشىلەرىمىز اراسىندا ايىرماشىلىق بار ەكەنىن كورسەتەتىن بولادى»، دەدى. سونىمەن قاتار ول ماكەدونيا بۇدان كەيىن بولاشاقتا ەجەلگى گرەكيالىق ماكەدونيا وركەنيەتىنە جاقىندىعىنا ۇمىتتەنە المايتىنىن ايتتى.

گرەكياداعى ماكەدونيا مەملەكەتتىڭ سولتۇستىگىندە ورنالاسقان جانە گرەكياداعى ەڭ ۇلكەن ەكىنشى قالا. سونداي-اق ول يۋنەسكو-نىڭ بۇكىلالەمدىك مۇرالارى قاتارىنا كىرەدى. «ماكەدونيا» اتاۋىنا بايلانىستى داۋ 1991 جىلى يۋگوسلاۆيا مەملەكەتى ىدىراعان كەزدە باستالدى. ٴدال سول جىلى ماكەدونيا رەسپۋبليكاسى تاۋەلسىزدىگىن جاريالاعان بولاتىن. ال سولتۇستىگىندە ٴدال وسىنداي اتاۋمەن ەلدى-مەكەنى بار افينا بۇل اتاۋعا سول كەزدەن بەرى قارسى تۇرىپ كەلەدى. ٴتىپتى، بۇل اتاۋ 142 مەملەكەت تاراپىنان قولداۋ تاۋىپ، تەك گرەكيا عانا قارسىلىق بىلدىرگەن ەدى.

زوران زايەۆ تۋيتتەر پاراقشاسىندا بۇل كەلىسىم ماكەدونيانىڭ ەتنيكالىق جانە مادەني تۇتاستىعىنا ەش اسەر ەتپەيتىنىن جازدى. ال گرەكيا پرەمەرى «بۇل ٴبىزدىڭ اۋدانداعى تۇراقتىلىققا نۇقسان كەلتىرىپ كەلگەن شيەلەنىستىڭ وڭ شەشىمى»، دەدى. ناتو دا ماكەدونيا رەسپۋبليكاسىنىڭ مۇشەلىككە ەنۋى تۋرالى ماسەلەنى قايتا قاراستىراتىنىن ايتتى. دەگەنمەن، گرەكيا تاراپى ەگەر كونستيتۋسياعا وزگەرىس ەنگىزۋ ماسەلەسى سوڭىنا دەيىن جۇرگىزىلمەيتىن بولسا، ناتو-عا قوسىلۋ تۋرالى شاقىرتۋدى جىبەرمەيتىنىن، رەسپۋبليكانى ەۋرووداققا كىرگىزۋ تۋرالى كەلىسسوزدەردى باستامايتىنىن مالىمدەدى.

ال 27 جىلعا سوزىلعان داۋدىڭ شەشىلۋىنە جاڭادان سايلانعان پرەمەر-مينيستر كوپ اسەر ەتتى. 2017 جىلدىڭ مامىر ايىندا بيلىككە كەلگەن زوران زايەۆ مەملەكەتتى ناتو مەن ەۋرووداققا كىرگىزۋگە مۇددەلى ەكەنىن جاريالاپ، مەملەكەت اتاۋىن وزگەرتۋگە بايلانىستى شارالار قولدانا باستاعان ەدى. جاڭا اتاۋدى تاڭداۋ بارىسىندا «جاڭا ماكەدونيا»، «سولتۇستىك ماكەدونيا»، «جوعارى ماكەدونيا» دەگەن اتاۋلار قاراستىرىلىپتى. ەندى گرەكيا مەن ماكەدونيا رەسپۋبليكاسىنىڭ پوەمەر-مينيسترلەرى تاڭداعان «سولتۇستىك ماكەدونيا رەسپۋبليكاسى» اتاۋىن ەكى مەملەكەتتىڭ ساياساتكەرلەرى تولىعىمەن قولداۋى ٴتيىس.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي