BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

لوندون پاركتەرى جەكەشەلەندىرىلىپ بارا ما؟

فوتو: The Guardian

پاركتەردە وتكىزىلەتىن مۋزىكالىق فەستيۆالدەر مەن باسقا دا ٴىس-شارالار قوعامدىق ومىرگە كەسىرىن تيگىزىپ، تۇرعىندارعا كەدەرگى كەلتىرەدى، دەپ جازادى baq.kz اقپارات اگەنتتىگى the guardian باسىلىمىنا سىلتەمە جاساپ.

مامانداردىڭ ايتۋىنشا، لوندون تۇرعىندارىنىڭ كوپتەگەن پاركتەرگە قولجەتىمدىلىگىن ۇجىمدىق ٴىس-شارالار مەن مۋزىكالىق فەستيۆالدار شەكتەپ جاتىر.

«بۇل قوعامدىق ورىنداردى «جەكەشەلەندىرۋدىڭ» كەمشىلىكتەرى دە كوپ»، - دەيدى ولار.

كورولدىك گەوگرافيا قاۋىمداستىعىنىڭ جىل سايىنعى كونفەرەنسياسىندا ۇسىنىلعان باياندامادا لوندون پاركتەرىنىڭ جەكە كومپانيالارعا ٴجيى جالعا بەرىلەتىنى، سول ارقىلى بيلىك قارجىلاندىرۋ كوزىن ارتتىرۋعا تىرىسىپ جاتقانى ايتىلعان.

ۆەستمينستەر ۋنيۆەرسيتەتىنىڭ گەوگرافى، دوكتور ەندريۋ ٴسميتتىڭ ايتۋىنشا، زەرتتەۋ بارىسىندا ەسكەرىلگەن finsbury park، gunnersbury park جانە brockwell park ساياباقتارى كوممەرسيالىق اكتيۆكە اينالىپ بارا جاتقانى بايقالعان.

«قاتاڭ ەكونوميكالىق تالاپتار تۋىنداعان زاماندا ساياباقتاردا ٴىرى جانە شاعىن فەستيۆالدەر ۇيىمداستىرۋ دا تابىس كوزىنە اينالعان. ٴبىر جاعىنان قاراساق، بيلىك تابىس كوزىن ارتتىرىپ جاتىر. ٴبىراق جەرگىلىكتى بيلىك قوعامدىق ورىنداردى بىلاي قولدانۋدان تارتىنشاقتاعاندارى ٴجون. بۇل پاركتەرگە جاقىن تۇراتىن تۇرعىندار جىلىنا بىرنەشە اپتا بويى ساياباقتارعا كىرە الماعانىمەن قويماي، شۋ سەكىلدى ىڭعايسىزدىقتارعا ۇشىرايدى»، - دەيدى ول.

بلەكحيتتى ٴبولىپ تۇرعان گرينۆيچ جانە ليۋيشام كەڭەستەرى ساياباقتا جىلىنا 90 كۇن ٴتۇرلى ٴىس-شارالار وتكىزۋگە رۇقسات بەرەدى. بۇعان لوندون مارافونىن قوسساڭىز، قوعامدىق ورىن 187 كۇن، ياعني، جارتى جىلدان استام ۋاقىت قولجەتىمدى بولمايدى.

ٴسميتتىڭ ايتۋىنشا، 1991 جىلى باتتەرسي-پاركتە 99 ٴىس-شارا وتسە، 2016 جىلى بۇل كورسەتكىش 600-گە جەتتى. ال finsbury park توبىنىڭ جەتەكشىسى سايمون حانت 2014 جىلى ساياباقتا ٴۇش كۇندىك فەستيۆال وتكىزىلگەننەن كەيىن پاركتىڭ «تاۋلىك بويى ىستەيتىن كوممەرسيالىق ورىنعا» اينالعانىن ايتتى.

«جاز ايلارىندا كوپشىلىك ٴۇشىن ساياباق جابىق. بۇل تۇرعىنداردىڭ دا شىدامىن الدى»، - دەيدى حانت.

ونىڭ ايتۋىنشا، 2018 جىلدىڭ العاشقى توعىز ايىندا ول 113 كۇن بويى ەفستيۆالدار جۇمىسىمەن اينالىسقان. ال 2015 جىلى مۇنداي ۋاقىت ارالىعىندا ٴىس-شارالار تەك 29 كۇن وتكىزىلگەن. ال پاركتىڭ ٴباسپاسوز حاتشىسىنىڭ ايتۋىنشا، مۇنداي فەستيۆالدار وتە قاجەتتى قارجىنى تابۋعا كومەكتەسكەن جانە وعان جەرگىلىكتى تۇرعىندار دا قاتىسقان.

دەگەنمەن، پاركتەردەگى مۇنداي كوممەرسيالىق قىزمەت توپىراقتى دەگراداسيالاپ، ساياباقتىڭ جايىن السىرەتەدى. قوعامدىق ورىنداردى ٴىس-شارالار وتكىزۋ ٴۇشىن قولدانۋ سونىمەن قاتار قوعامنىڭ وعان قولجەتىمدىلىگىن دە تومەندەتەدى. ٴسميتتىڭ ايتۋىنشا، بۇل جەردە قارجىلىق تابىس قوعامنىڭ قاجەتتىلىكتەرىنەن دە باسىمدىققا يە بولىپ تۇر.

«قوعامدىق ورىندار وسىلايشا جەكەشەلەندىرىلىپ بارا جاتقانداي كورىنەدى. فەستيۆالدەر قوعامدىق شارالار بولىپ كورىنگەنىمەن، ٴبارىبىر قارجىلىق جاعداي باسىمدىققا يە بولىپ تۇر. پاركتەردى كوممەرسيالىق اكتيۆ رەتىندە قولدانۋعا جەرگىلىكتى بيلىكتەر قاتتى ۇيرەنبەۋلەرى كەرەك. ساياباقتار قارجىلىق جاعدايدان گورى ماڭىزدىراق»، - دەيدى سايمون.

اعىلشىن تىلىنەن اۋدارعان التىناي قۋانىشبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي