BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

لاۆروۆ باتىسپەن قارىم-قاتىناس سوعىس كەزىندەگىدەن دە ناشار ەكەنىن ايتتى

فوتو: riafan.ru

رەسەي سيريادا حيميالىق قارۋدى قولدانعان دەپ بولجانعان جەردە ايعاقتاردى مانيپۋلياسيالاعان جوق. بۇل جونىندە بي-بي-سيگە سۇحبات بەرگەن رف سىرتقى ىستەر ٴمينيسترى سەرگەي لاۆروۆ مالىمدەدى، دەپ حابارلايدى baq.kz اقپارات اگەنتتىگى «ۆۆس رۋسسكايا سلۋجبا» پورتالىنا سىلتەمە جاساپ.

«رەسەي ول جەردە ەشتەڭەنى تازالاپ، جويماعانىنا مەن كەپىلدىك بەرەمىن»، - دەدى لاۆروۆ باعدارلامادا.

نەگىزىنەن، رەيتەر اگەنتتىگىنىڭ حابارلاۋىنشا، حيميالىق قارۋعا تىيىم سالۋ جونىندەگى ۇيىمداعى اقش-تىڭ تۇراقتى وكىلى كەننەت ۋورد رەسەي شابۋىل ورنىنداعى ايعاقتاردىڭ كوزىن جويۋ مۇمكىن ەكەنىن ايتقان بولاتىن.

«ٴتيىمدى تەرگەۋ جۇرگىزۋگە باعىتتالعان فاكتىلەردى جيناۋ بويىنشا حقتۇ ميسسياسىنىڭ ىس-ارەكەتتەرىن توقتاتۋ ماقساتىندا ورىستاردىڭ ايعاقزاتتاردى جويۋ مۇمكىندىگى ٴبىزدى مازالايدى»، - دەدى ۋورد گااگادا وتكەن حقتۇ جابىق وتىرىسىندا.

ال لاۆروۆ ٴوز كەزەگىندە باتىس ەلدەردىڭ سيريادا حيميالىق قارۋدى قولدانۋ بولجامدارىنا قاتىستى كەلتىرگەن دالەلدەمەلەرىنىڭ بارلىعى باق پەن الەۋمەتتىك جەلىلەردەگى اقپاراتقا نەگىزدەلگەنىن ايتتى.

«7 ٴساۋىر كۇنى دۋمادا حيميالىق قارۋ قولدانىلعانىنا ەشقانداي دالەل جوق. ول جەردە تەك قويىلىم عانا ورىن الدى»، - دەدى ول.

سونىمەن قاتار، لاۆروۆتىڭ پىكىرىنشە، رەسەي مەن باتىس قارىم-قاتىناسى ٴقازىر قىرعي-قاباق سوعىس كەزىندەگىدەن دە جامان.

«ارينە، سالدارى بولادى. ٴبىز اقىلعا قونبايتىن ساياسات نەگىزىندە ارەكەت ەتكىسى كەلەتىن باتىستاعى ارىپتەستەرىمىزگە دەگەن سوڭعى سەنىمدەرىمىزدى جوعالتىپ جاتىرمىز. قىرعي-قاباق سوعىس كەزىندە كوممۋنيكاسيا ارنالارى بولاتىن. ول كەزدە سانكسيالار ارقىلى گەنوسيد تۇرىندە ورىن الىپ جاتقان ورىستارعا دەگەن ۇرەي بولماعان ەدى»، - دەدى لاۆروۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي