BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

كۇيەۋىن ولتىرگەن 19 جاستاعى ايەل ٴولىم جازاسىنا كەسىلدى

ٴوز ەركىنەن تىس تۇرمىسقا شىققان 19 جاستاعى قىز كۇيەۋىن ولتىرگەنى ٴۇشىن ٴولىم جازاسىنا كەسىلدى. cnn باسىلىمىنىڭ جازۋىنشا، نۋرا 15 جاسىندا تۇرمىسقا شىققان، دەپ حابارلايدى baq.kz اقپارات اگەنتتىگى.

ول بارعان ۇيىنەن قاشىپ، وتباسىنان ٴۇش جىل بويى جاسىرىنىپ جۇرەدى. الايدا تۋىستارى الداپ ونى تۋعان اكەسىنە قايتىپ كەلۋگە كوندىرەدى. وسىدان كەيىن كۇيەۋى ونى زورلايدى. كۇيەۋىنە بۇل ارەكەتىن جۇزەگە اسىرۋعا نۋرانىڭ اعاسى مەن تۋىسقان باۋىرى كومەكتەسكەن.

كەلەسى كۇنى ەر ادام وسى ارەكەتىن قايتالاماق بولادى. نۋرا قارسىلىق رەتىندە وعان پىشاق سۇعىپ الادى. ال نۋرانىڭ اكە-شەشەسى قىزدارىن وسى وقيعادان كەيىن پوليسياعا ۇستاپ بەرەدى.

ٴولىم جازاسى تۋرالى ۇكىم جاقىن ۋاقىتتا شىقتى. مارقۇمنىڭ تۋىستارى قىزعا كەشىرىم بەرۋگە نەمەسە جازاسىن اقشالاي وتەۋگە قارسى بولدى. بۇل ٴىس الەۋمەتتىك جەلى ارقىلى بارشا الەمگە تارادى. جەلى قولدانۋشىلارى قىزعا كومەكتەسۋ ماقساتىندا #justicefornoura جانە #savenoura حەشتەگتەرىمەن ٴارتۇرلى پوست جازدى. سۋداندا زاڭ بويىنشا قىزدار 10 جاستان باستاپ تۇرمىسقا شىعادى. ياعني مارقۇمنىڭ بۇل ارەكەتى قىلمىسقا جاتپايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي