USD 334.89 EUR 361.61 RUB 5.28
استانا:

كولۋمبياداعى ۇشاق اپاتى: امان قالعاندار بار

كولۋمبيانىڭ سولتۇستىك-باتىسىندا جولاۋشىلار ۇشاعى اپاتقا ۇشىراعانىن حابارلاعان ەدىك. اۋە كەمەسىنىڭ بورتىندا 72 جولاۋشى جانە 9 ەكيپاج مۇشەسى بولعان. الدىن الا مالىمەتتەرگە سۇيەنسەك، ۇشاق اپاتىنان التى ادام امان قالعان، دەپ حابارلايدى baq.kz.

«نوۆوستي ۆوستوچنوي انتيوكيي» باسىلىمى تۆيتتەردەگى پاراقشاسىندا اپات ورنىنان تۇسىرىلگەن العاشقى سۋرەتتەردى جاريالادى.

اۋەجاي تاراتقان رەسمي اقپاراتقا سۇيەنسەك، ەكيپاج مۇشەلەرى قوزعالتقىشتان اقاۋ شىققانىن حابارلاعان.

بوليۆيادان كولۋمبياعا بەت العان لاينەردىڭ بورتىندا برازيليانىڭ «شاپەكوەنسە» كلۋبىنىڭ فۋتبولشىلارى بولعان. اتالعان قۇراما وڭتۇستىك امەريكا كۋبوگىنىڭ فينالىنا بارا جاتقان ەكەن.

باق اقپاراتىنشا، جولاۋشىلار ۇشاعى لا-ۋنون قالاسىنىڭ انتيوكيا پروۆينسياسىندا قۇلاعان. جەرگىلىكتى بيلىك اۋا رايىنىڭ قولايسىزدىعى قۇتقارۋ قىزمەتتەرىنە قيىندىق تۋدىرىپ وتىرعانىن حابارلادى.

ىزدەۋ-قۇتقارۋ وپەراسياسىنا كولۋمبيا ااك-نىڭ ەكى تىكۇشاعى جۇمىلدىرىلدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي