BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

قىتايلىق اياعى جوق زەينەتكەر ەۆەرەست شىڭىن باعىندىردى

فوتو: ria.ru

70 جاستاعى الپينيست سيا بويۋي اياقتارىنىڭ جوقتىعىنا قاراماستان ەۆەرەست شىڭىن باعىندىرعان العاشقى ادام، دەپ حابارلايدى baq.kz اقپارات اگەنتتىگى ria.ru سايتىنا سىلتەمە جاساپ.

«قىتايدىڭ ەكى اياعى جوق ٴالپينيسى بۇگىن جەرگىلىكتى ۋاقىت بويىنشا ساعات 08.40-تا شىڭعا شىقتى. ول ەكى اياعى جوق بولسا دا، تاۋدىڭ وڭتۇستىك جاعىنداعى شىڭىن باعىندىرعان العاشقى ادام»، - دەلىنگەن حابارلامادا.

قازىرگى ۋاقىتتا ول ەكى اياقسىز-اق ەۆەرەستتى باعىندىرعان العاشقى ادام بولىپ سانالادى، ال تيبەت جاقتاعى شىڭدى باعىندىرعان العاشقى ادام – جاڭازەلانديالىق مارك ينگليس. ول 2006 جىلى شىڭ باسىنا شىقتى.

قىتاي ٴالپينيسى جوعارعى سوت ەكى اياعى جوق، سونداي-اق كوزى كورمەيتىن ادامدارعا 6،5 مىڭ مەتردەن جوعارى بولاتىن كەز كەلگەن تاۋعا شىعۋعا رۇقسات ەتكەننەن كەيىن نەپالدىق بيلىكتەن ەكسپەديسياعا رۇقسات الادى.

سيا بويۋي ەۆەرەستكە شىقپاس بۇرىن تىلشىلەرگە الەمدەگى ەڭ بيىك شىڭدى باعىندىرۋعا بەسىنشى رەت تالپىنىس جاساپ تۇرعانىن ايتقان.

ول 1975 جىلى ەۆەرەست شىڭىنا شىقپاق بولعان كەزىندە اياعىن ٴۇسىتىپ الىپ، كەستىرۋگە ٴماجبۇر بولعان. بۇل ساتسىزدىك ونىڭ جولىن بوگەي المادى. ول بۇل شىڭدى 2014، 2015، 2016 جىلدارى باعىندىرۋعا تالپىنعان، ٴبىراق ماقساتقا جەتۋىنە قار كوشكىنى، جەر سىلكىنىسى جانە قولايسىز اۋا رايى كەدەرگى كەلتىرگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي