BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

قىتايدا تاعى ٴبىر ينتەرنەت-سوت اشىلدى

فوتو: интернеттен

بەيجىڭ قالاسىندا ينتەرنەت-سوت اشىلدى. بۇل - قىتاي اۋماعىندا تەك ينتەرنەت ارقىلى جۇمىس ىستەيتىن ەكىنشى سوت، دەپ حابارلايدى baq.kz اقپارات اگەنتتىگى.

سوت قىزمەتىنىڭ نەگىزگى باعىتى ينتەرنەتتەگى الاياقتىق فاكتىلەرمەن بايلانىستى ىستەر بولماق.

xinhua مالىمەتىنشە، ينتەرنەت-سوت عالامتور داۋىرىندە سوت تورەلىگى سالاسىنداعى جاڭا سۇرانىستارعا كونسترۋكتيۆتى جاۋاپ رەتىندە اشىلعان. سونداي-اق، بۇل ينستانسيا سوت جۇيەسىنىڭ كەشەندى رەفورمالارىن تەرەڭدەتۋ جانە كيبەركەڭىستىكتى باسقارۋدى جاقسارتۋ ٴۇشىن ىسكە قوسىلعان.

مۇددەلى تاراپتىڭ سوتقا كەلىپ قاتىسۋى قاجەت ەمەس. بارلىق سوت پروسەستەرىن، ياعني تالاپ-ارىز بەرۋدەن باستاپ، ٴىس قوزعاۋعا دەيىنگى ارەكەتتەردى ينستانسيا سايتىندا جۇزەگە اسىرۋعا بولادى.

تىڭداۋلار مەن ۇكىم شىعارۋ دا ونلاين رەجيمدە بەينەترانسلياسيا ارقىلى كورسەتىلەدى. سوتتا بارلىعى 38 سۋديا جۇمىس ىستەيدى.

سوت قىزمەتىنىڭ نەگىزگى باعىتى ونلاين-ساۋداداعى الاياقتىق وقيعالار، ونلاين بەكىتىلگەن بەرەشەك كەلىسىمشارتتار، ينتەرنەتتە اۆتورلىق قۇقىقتاردىڭ بۇزىلۋى تۋرالى ىستەر جانە دومەندەر داۋ-دامايىمەن بايلانىستى ىستەر بولماق.

اتاپ وتسەك، ٴبىرىنشى ينتەرنەت-سوت چجەسزيان پروۆينسياسىنىڭ حانچجوۋ قالاسىندا ٴبىر جىل بۇرىن اشىلعان بولاتىن. وسى ۋاقىت ىشىندە ينستانسيا 9 600-دەن استام ٴىس قاراعان. ورتاشا العاندا ٴبىر ٴىس 28 كۇندە قارالىپ بىتەدى. ياعني، بۇل ادەتتەگى سوتتان ەكى ەسە جىلدام.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي