BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

سي ٴسزينپيننىڭ ٴومىر بويى باسقارۋى كەلىسپەۋشىلىكتەر تۋعىزۋى مۇمكىن – ساراپشى

كەشە قىتاي پارلامەنتى ەل كونستيتۋسياسىنا بىرنەشە وزگەرىس ەنگىزدى، سونىڭ ٴبىرى – پرەزيدەنت سي ٴسزينپيننىڭ بەلگىسىز مەرزىمگە تاقتا وتىرا بەرۋىنە رۇقسات بەرەدى. بۇعان دەيىن 2 رەت قاتار 5 جىلدان پرەزيدەنت ەل باسقارۋعا سايلانۋعا قۇقىلى بولسا، ەندى بۇل شەكتەۋ الىنىپ تاستالدى، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

كونستيتۋسيانىڭ جاڭا بابى ٴۇشىن پەكيننىڭ ۇلكەن زالىندا جالپىقىتاي ۇلتتىق وكىلدەرىنىڭ 3000 دەلەگاتى داۋىس بەردى. 2964 بيۋللەتەننەن بۇل وزگەرىسكە تەك ەكى-اق ادام قارسى بولعان جانە ٴۇش وكىل داۋىس بەرۋدەن تۇبەگەيلى باس تارتقان. ياعني، قارسى تاراپتىڭ وتە از بولعانى انىق.

ٴقازىر بيلىكتە وتىرعان كوممۋنيستىك پارتيا بۇل وزگەرىستى ەنگىزۋ تۋرالى ۇسىنىستارىن 25 اقپاندا جاريالادى. 64 جاستاعى سي - كەزىندە ەل باسقارعان باسشىلاردىڭ ىشىندە ماو سزەدۋننان كەيىنگى حالىق جاقسى كورەتىن تۇلعا. سوندىقتان بولار، كونستيتۋسياعا مۇنداي وزگەرىس ەنگىزۋدى كوپشىلىك «پارتيا مەن حالىقتىڭ ورتاق قالاۋى» دەپ اتادى.

ال ساراپشىلار وزگە پىكىردە. china youth مەملەكەتتىك گازەتىنىڭ ەكس-رەداكتورى لي داتونگ: «سي وسى شەشىم ارقىلى وزىنە ۇلكەن شۇڭقىر قازىپ وتىر. جوعارعى باسشىنىڭ شەكسىز بيلىگى قىتايدىڭ ساياسي ۇستانىمى ٴۇشىن وتە ماڭىزدى. ساياساتتا كەلىسپەۋشىلىكتەر تۋدىرۋى مۇمكىن، سوندىقتان دا ٴقاۋىپتى قادام»، - دەيدى ول.

قىتاي اتا زاڭدارىنا ەنگىزىلگەن تاعى ٴبىر وزگەرىس - ۆيسە-پرەزيدەنت بيلىگىنىڭ شەكسىزدىگى. ساراپشىلار بۇل قىزمەتكە قىتاي جەمقورلىقپەن كۇرەسۋ اگەنتتىگىنىڭ بۇرىنعى باسشىسى ۆان سيشان كەلەدى دەپ بولجاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي