BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

قىتاي ٴوزى جاساقتاپ شىعارعان العاشقى ۇشاق تاسىعىشتى سىناقتان وتكىزۋدى باستادى

فوتو: Reuters

قىتاي ٴوزى جاساقتاپ شىعارعان العاشقى ۇشاق تاسىعىشتىڭ قابىلەتىن سىناقتان وتكىزە باستادى، دەپ حابارلايدى baq.kz اقپارات اگەنتتىگى سينحۋا اگەنتتىگىنە سىلتەمە جاساپ.

اگەنتتىكتىڭ مالىمەتى بويىنشا، 13 مامىردا ۇشاق تاسىعىش داليان كەمە جاسايتىن زاۋىتتان شىعارىلىپ، تەستىلىك زەرتتەۋگە جىبەرىلدى. اتاپ وتىلگەندەي، كەمەنى سىناقتان وتكىزۋ بارىسىندا ٴبىرىنشى كەزەكتە ەنەرگوجۇيەسىنىڭ جانە وزگە دە قۇرالداردىڭ تۇراقتىلىعىن تەكسەرۋ كوزدەلگەن. ونىڭ ٴجۇزۋ ساپارى قانشا ۋاقىتقا سوزىلاتىنى بەلگىسىز.

001a جوباسىنىڭ ەكىنشى قىتايلىق ۇشاق تاسىعىشى 2017 جىلى ٴساۋىر ايىندا سۋعا جىبەرىلدى. اتاپ وتسەك، ول وسى ساناتتاعى العاشقى قىتاي كەمەسى بولدى. جالپى، كەمەنىڭ قۇرىلىسى 2013 جىلدان باستاپ جۇرگىزىلدى. بۇگىندە ول 2020 جىلى كەشەندى تاپسىرۋ سىناقتارى وتكىزىلگەننەن كەيىن اسكەري فلوتتىڭ قۇرامىنا ەنەدى دەپ كۇتىلۋدە.

قازىرگى تاڭدا قىتايدىڭ اسكەري-تەڭىز كۇشىندە «لياونين» ۇشاق تاسىمالداۋشىسى بار. ول 1990 جىلدىڭ سوڭىندا ۋكراينادان ساتىپ الىنعان «ۆارياگ» بۇرىنعى كەڭەستىك اۋىر ۇشاق تاسىمالداۋشى كرەيسەردىڭ بازاسىندا جاسالعان.

001a جوباسى «لياونين» ۇلگىسىندە جاسالدى، الايدا ونىڭ كولەمى بىرنەشە ەسە ۇلكەن جانە ٴبىرقاتار قۇرىلىمدىق وزگەرىستەرى بار. ەكى كەمە دە ستارتتىق ترامپليندەرمەن جابدىقتالعان، ولار سايكەسىنشە 14 جانە 12 گرادۋستا يىلەدى. قوزعالتقىش قوندىرعىسىنىڭ ٴتيپى – بۋتۋربينالى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي