USD 334.89 EUR 361.61 RUB 5.28
استانا:

قىرعىزستاندا «حيزب ۋت-تاحرير» ۇيىمى ايەلدەر قاناتىنىڭ جەتەكشىسى ۇستالدى

قىرعىزدىڭ وش قالاسىندا «حيزب ۋت-تاحرير» ٴدىني ەكسترەميستىك ۇيىمىنىڭ ايەلدەر قاناتىنىڭ جەتەكشىسىنە قاتىستى قىلمىستىق ٴىس قوزعالدى. ماماندار قىرعىزستاندا راديكالدىق نيەتتەگى ٴدىندارلار اراسىندا ايەلدەر كوپ ەكەنىن اتاپ ٴوتتى.

centralasian.org-تىڭ دەرەگىنشە، 33 جاستاعى شايرا 2015 جىلى جازدا سيرياعا بارا جاتقان جولدا، وش-ستامبۋل رەيسىندە ۇستالدى. سول كەزدە ٴۇش ازامات سيريا مەن يراكقا ادامدار جىبەرۋ جۇمىستارىمەن اينالىسقان دەگەن كۇدىكپەن قاماۋعا الىنعان ەدى. شايرا وسى ىسكە كۋاگەر رەتىندە تارتىلعان بولاتىن. دالەل بولماعان سوڭ، سول جولى ونى جاۋاپكەرشىلىككە تارتپاعان. سودان بەرى ول باقىلاۋدا بولدى، دەپ حابارلادى ٴىىم ٴباسپاسوز قىزمەتىنىڭ باسشىسى باقىت سەيىتوۆا.

«جاقىندا ول ايەلدى ٴىىم-نىڭ ۇيىمداسقان قىلمىسپەن كۇرەس جونىندەگى باسقارماسىنىڭ قىزمەتكەرلەرى ۇستادى. ول "يسلام مەملەكەتى" جانە "جاماات ات-تاۋحيد ۆال-جيحاد" توبىن ناسيحاتتاپ، ٴۇنپاراقتار تاراتىپ جۇرگەن جەرىندە قولعا ٴتۇستى. ونىڭ ٴۇيىن ٴتىنتۋ كەزىندە دىني-ەكسترەميستىك كىتاپتار مەن ديسكىلەر تابىلدى. ماتەريالدارعا تەولوگيالىق ساراپتاما جاسالدى، سونىڭ ناتيجەسىندە 18 قاراشادا قىلمىستىق ٴىس قوزعالدى. بۇعان قوسا، ول قىرعىزستانداعى "حيزب ۋت-تاحرير" ٴدىني ەكسترەميستىك ۇيىمىنىڭ ايەلدەر قاناتىن باسقارعانى انىقتالدى».

تمد-عا مۇشە ەلدەردىڭ انتيتەرروريستىك ورتالىعىنىڭ حابارلاۋىنشا، راديكالدىق نيەتتەگى ايەلدەر سانى 24 پايىزعا وسكەن. ولاردىڭ اراسىندا قىرعىزستان ايەل ازاماتتارى دا بار. باقىلاۋشىلاردىڭ پىكىرىنشە، بۇعان ايەلدەرمەن جۇمىس ىستەيتىن رەسمي بىرلەستكتەردىڭ جوقتىعى سەبەپ بولۋى مۇمكىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي