USD 335.71 EUR 357.36 RUB 5.23
استانا:

قىرعىزستاندا بالاعا قاتىگەزدىك تانىتقاندارعا جازانى كۇشەيتتى

قىرعىزستان پرەزيدەنتى المازبەك اتامبايەۆ قىلمىستىق كودەكستەگى بالاعا قاتىگەزدىك تانىتىپ، دەنساۋلىعىنا زيان كەلتىرىپ، وزىنە قول جۇمساۋعا دەيىن اپارعانداردىڭ جازاسىن قاتايتۋ جونىندە وزگەرىستەر ەنگىزىلگەن زاڭ جوباسىنا قول قويدى. بۇل جونىندە مەملەكەت باسشىسىنىڭ ٴباسپاسوز قىزمەتى حابارلايدى.

centralasian.org-تىڭ حابارلاۋىنشا، زاڭدا بالانىڭ اتا-اناسى نەمەسە تاربيەلەۋگە العان جاۋاپتى ادام بالاعا قاتىگەزدىك تانىتقانى ٴۇشىن قىلمىستىق جاۋاپكەرشىلىككە تارتىلادى دەلىنگەن. اتاپ ايتقاندا كامەلەتكە جاسى تولماعانداردى وزىنە قول جۇمساۋعا اپارعانى ٴۇشىن نەمەسە ۇنەمى كەمسىتەتىنى ٴۇشىن 2 جىلدان 5 جىلعا دەيىن باس بوستاندىعىنان ايىرىلادى. ال وسىنداي قىلمىستى سابيگە جاساعانى ٴۇشىن 3 جىلدان 7 جىلعا دەيىن تۇرمە جازاسىنا كەسىلەدى.

سونىمەن بىرگە بالانىڭ دەنساۋلىعىنا زيان كەلتىرىپ، اۋىر زاردابىن قالدىرعانى ٴۇشىن 6 جىلدان 10 جىلعا دەيىن سوتتالادى.

بالانىڭ ومىرىنە ٴقاۋىپ توندىرگەنى ٴۇشىن 40 -70 مىڭ سوم كولەمىندە ايىپپۇل تولەيدى نەمەسە 2-3 جىلعا دەيىن اۋىر جۇمىسقا تارتىلادى. سونىمەن بىرگە 3 جىلدان 5 جىلعا دەيىن باس بوستاندىعىنان ايىرىلۋى مۇمكىن.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي