BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

قىرعىز بەشبارماعى گيننەستىڭ رەكوردتار كىتابىنا كىرۋى مۇمكىن

فوتو: Азаттық

قىرعىزستاندا 1 توننا 464 كگ بەشبارماق پەن 117 مەتر شۇجىق جاساۋ ٴۇشىن قىرىقتان استام اسپاز، جۇزدەن استام ەرىكتىلەر تارتىلعان، دەپ حابارلايدى baq.kz اقپارات اگەنتتىگى ازاتتىققا سىلتەمە جاساپ.

ۇيىمداستىرۋشىلاردىڭ ٴبىرى ەلنۋرا كۋلۋەۆانىڭ ايتۋىنا قاراعاندا اتالعان بەشبارماقتى گيننەستىڭ رەكوردتار كىتابىنا كىرگىزۋ تالاپتارى بويىنشا گيننەس كىتابىنا ەنگىزۋ ساراپتاما كوميسسياسىنىڭ ەكى وكىلىن شاقىرىپ، بەشبارماقتى دايىنداۋ بارىسى بەينەلەنگەن ۆيدەونى جولداۋ كەرەك.

"ەگەر وكىل شاقىرساق، ولاردىڭ اربىرىنە 10 مىڭ دوللاردان گونورار تولەپ، ۆيزا اشتىرىپ جانە جول اقىلارىن قوسا ەسەپتەگەندە ٴارقايسىسىنا 16 مىڭ دوللاردان تولەۋىمىز كەرەك بولدى. سوندىقتان ٴبىز ولاردىڭ ەكىنشى تالابىن - بەشبارماقتى دايىنداۋ بارىسىنىڭ ٴبارىن ۆيدەوعا ٴتۇسىرىپ، سونى اعىلشىن تىلىنە اۋدارىپ، سونى جولداۋدى دۇرىس كوردىك. سوعان سايكەس ٴبىزدىڭ قاتارىمىزعا تانىمال ون باق، شۆەسيادان كەلگەن ەكى اسپاز كۋا بولىپ، سولاردىڭ قاتىسۋىمەن جىلقى سويىلعاننان باستاپ، بارلىق جاعداي ارنايى ۆيدەوعا ٴتۇسىرىلدى. قۇداي بۇيىرسا "ارت" ستۋدياسى دايىنداعان بۇل ۆيدەو بىر-ەكى كۇننىڭ ىشىندە گيننەسكە جولداناتىن بولادى" - دەيدى ەلنۋرا كۋلۋەۆا

ونىڭ ايتۋىنا قاراعاندا بۇل بەشبارماق گيننەستىڭ كىتابىنا كىرۋ ٴۇشىن بارلىق تالاپتارىن ساقتاپ وتىرىپ جاسالعان.

اتالعان اس ٴۇشىن 8 جىلقى سويىلىپ، ودان 1،5 تونناعا جۋىق ەت پىسىرىلعان. 150 ليترلىك 12 تايقازان ورناتىلىپ، ىشەك-قارنىن تازالاۋدى "قىرعىز تىلەكتەستىگى" قوعامدىق بىرلەستىگى، "اك ەلەچەك"، "اك كالپاك"، "ايۋ گراند كومفورت" فيرماسىنىڭ وكىلدەرى ۇيىمداستىردى.

ەستەرىڭىزگە سالا كەتەيىك، 2015 جىلى استانادا 736 كگ بەشبارماق دايىندالىپ، گيننەستىڭ رەكوردتار كىتابىنا ەنگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي