BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

كيم چەن ىن ترامپتى ارازدىقتى توقتاتۋعا كوندىرگەنىن ايتتى

فوتو: korrespondent.net

سولتۇستىك كورەيانىڭ ٴباسپاسوز باسىلىمى كحدر-دىڭ كوشباسشىسى اقش پرەزيدەنتىمەن كەلىسسوزدەر جۇرگىزگەنىن جازدى، دەپ حابارلايدى baq.kz اقپارات اگەنتتىگى korrespondent.net سايتىنا سىلتەمە جاساپ.

كحدر-دىڭ كوشباسشىسى كيم چەن ىن اقش پرەزيدەنتى دونالد ترامپپەن كەلىسسوز بارىسىندا ەكى تاراپ تا اسكەري ارازدىق ارەكەتتەردى توقتاتۋ كەرەك ەكەنىن ايتتى جانە امەريكالىق پرەزيدەنت بۇل ۇسىنىسپەن كەلىستى.

«قۇرمەتتى باس قولباسشىمىز بەيبىتشىلىك پەن تۇراقتىلىق بولۋ ٴۇشىن ەكى تاراپ تا اسكەري دۇشپاندىق ارەكەتتەردى توقتاتۋ كەرەكتىگىن ايتتى. اقش پرەزيدەنتى بۇعان تۇسىنىستىكپەن قارادى جانە اقش پەن وڭتۇستىك كورەيامەن بىرىگىپ جاسايتىن اسكەري وقۋدى توقتاتۋعا نيەتتى ەكەنىن ايتتى»، - دەلىنگەن حابارلامادا.

كيم چەن ىن اقش پەن كحدر ايماقتىق تۇراقتىلىقتى ساقتاۋ ماقساتىندا جۇيەلىك شارالار قابىلداۋ كەرەك ەكەنىن، سونداي-اق كورەي تۇبەگىن يادرولىق قارۋسىزداندىرۋ تۋرالى ٴسوز قوزعادى.

«كەلىسىمگە كەلۋ ٴۇشىن، تۇراقتىلىق بولۋ ٴۇشىن جانە كورەي تۇبەگىن يادرولىق قارۋسىزداندىرۋ ٴۇشىن ەكى جاق تاراپ تا بىر-بىرىنە تۇسىنىستىكپەن قاراپ، وشپەندىلىكتى ورشىتپەي، ونىڭ كەپىلى رەتىندە جۇيەلىك جانە زاڭدىق شارالار قابىلداۋ كەرەك»، - دەيدى كيم چەن ىن.

سينگاپۋردا ەكى ەلدىڭ كوشباسشىلارى كەزدەسكەنى تۋرالى بۇعان دەيىن دە جازىلعان. ول كەزدەسۋدە ەكى تاراپ نەگىزگى ٴتورت پۋنكتەن تۇراتىن كەلىسىمگە كەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي