BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

كحدر وڭتۇستىك كورەياعا جوعارى دەڭگەيدە كەزدەسۋ وتكىزۋدى ۇسىندى

فوتو: Korea Summit Press Pool/Pool via Reuters

سولتۇستىك كورەيا جوعارى دەڭگەيدەگى كورەياارالىق كەلىسسوز وتكىزۋدى ۇسىندى. بۇل تۋرالى reuters وڭتۇستىككورەيالىق ۇلتتىق بىرلەستىكتەر ىستەرى مينيسترلىگىنە سىلتەمە جاساپ حابارلادى.

سەۋل پحەنياننىڭ ۇسىنىسىن قابىلداپ، 16 مامىردا كەلىسسوزدەر بەكەتى ەكى ەلدىڭ شەكاراسى پحانمۋندجدا كەزدەسۋگە كەلىسىم بەردى. قازىرگى تاڭدا ٴسامميتتىڭ ماسەلەلەرىنە قاتىستى كەلىسسوزدەر جۇرۋدە.

بولجامعا سايكەس تاراپتار قىزىل كرەست جەلىسى بويىنشا ديالوگتى جاڭعىرتۋ ماسەلەلەرىن تالقىلاۋى مۇمكىن. تاعى ٴبىر ماسەلە ٴ38-شى پارالەلدىڭ ەكى جاعىندا تۇراتىن تۋىستاردىڭ كەزدەسۋى بولادى. بۇدان باسقا، قحدر مەن كورەيا رەسپۋبليكاسى سپورتشىلارىنىڭ ٴبىر تۋ استىندا ونەر كورسەتۋى تالقىلانۋى مۇمكىن.

ٴوز كەزەگىندە، يونحاپ اگەنتتىگىنەن تولىقتىرىپ كەتكەندەي، پحەنيان كەزدەسۋگە 29 ادامنان تۇراتىن دەلەگاسيانى جىبەرەدى. ولاردىڭ ىشىندە سپورت پەن ەكونوميكا سالاسىنا جاۋاپ بەرەتىن رەسمي تۇلعالار مەن جۋرناليستەر بار.

ايتا كەتەيىك، بۇعان دەيىن سولتۇستىك كورەيانىڭ يادرولىق پوليگوندى بۇزا باستاعانى بەلگىلى بولدى. ەكى كورەيا باسشىلارىنىڭ كەزدەسۋىنەن كەيىن بىرنەشە نەگىزگى نىساندار ٴسۇرىلدى، كەشەننىڭ تاۋ بولىگىنە اپاراتىن تەمىرجولدا بولشەكتەلىپ الىندى، سونىمەن قاتار سپۋتنيك سۋرەتتەرىنەن بىرنەشە ۆاگون ارباشالاردىڭ قۇلاپ جاتقانى ايقىن كورىنىپ تۇر.

ەستەرىڭىزگە سالا كەتەيىك، 27 ساۋىردە كحدر مەن كورەيا رەسپۋبليكاسىنىڭ باسشىلارى كيم چەن ىن مەن مۋن چجە ين تاريحتا العاش رەت قارۋسىزداندىرىلعان وڭتۇستىككورەيالىق بولىكتە سامميت وتكىزدى. مەملەكەت باسشىلارى بىرلەسكەن دەكلاراسياعا قول قويدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي