BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

كەرچ وقيعاسى. قازا بولعاندار سانى ارتتى

استانا، baq.kz. كەرچ پوليتەحنيكالىق كوللەدجىنە جاسالعان شابۋىلدان قازا تاپقاندار سانى 20 ادامعا جەتتى. بۇل تۋرالى قالا اكىمدىگى باسشىسىنىڭ ورىنباسارى ديلياۆەر مەلگازيەۆ حابارلادى. قازا تاپقانداردىڭ بارلىعىن تۋىستارى تانىعان.

رەسەي دەنساۋلىق ساقتاۋ ٴمينيسترى ۆەرونيكا سكۆورسوۆانىڭ 18 قازان كۇنى حابارلاۋىنشا، قازا تاپقانداردىڭ ٴ15-ى - كوللەدج ستۋدەنتتەرى (ولاردىڭ 6-ۋى - كامەلەتكە تولماعاندار)، بەسەۋى - كوللەدج قىزمەتكەرلەرى. سكۆورسوۆانىڭ ايتۋىنشا، قازا تاپقانداردىڭ كوبى وق ٴتيىپ ولگەن. ال اۋرۋحاناعا تۇسكەندەردىڭ كوبى جارىلىستان جارالانعان. سوڭعى مالىمەت بويىنشا، شابۋىلدان 70 ادام زارداپ شەككەن، ولاردىڭ 10-ى جانساقتاۋ بولىمىندە، بەسەۋى كومادا جاتىر.

كەرچتەگى كوللەدجگە شابۋىل 17 قازان كۇنى كۇندىز جاسالدى. شابۋىلدى كوللەدجدىڭ 18 جاستاعى ستۋدەنتى ۆلاديسلاۆ روسلياكوۆ جاسادى. ول اڭشى مىلتىعىنان وق اتىپ، قولدان جاسالعان بومبانى جارعان. وسىدان سوڭ ٴوزىن-وزى ولتىرگەن. بولجام بويىنشا، ستۋدەنت وقىتۋشىمەن كيكىلجىڭگە كەلىپ قالىپ، شابۋىل جاساعان.

رەسەي اننەكسيالاپ العان قىرىم باسشىسى سەرگەي اكسەنوۆ ٴجاسوسپىرىمنىڭ شابۋىلدى جالعىز ٴوزى جاساعانىن، ونىڭ باسقا جاقتا سەرىكتەرى بار-جوعى انىقتالىپ جاتقانىن ايتادى.

بۇل وقيعا بويىنشا اۋەلدە "تەراكت" بابىمەن قىلمىستىق ٴىس قوزعالىپ، كەيىن ول "كىسى ٴولىمى" دەپ وزگەرتىلگەن. قىرىمدا ٴۇش كۇندىك قارالى كۇن جاريالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي