BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

كەمەروۆتاعى زيمنيايا ۆيشنيادا بولعان ٴورتتىڭ سەبەبى بەلگىلى بولدى

فوتو: ашық дереккөзден

كەمەروۆتاعى «زيمنيايا ۆيشنيا» سو-دا ٴورت عيماراتتىڭ شاتىرىندا ەلەكتر سىمدارىنىڭ قىسقا تۇيىقتالۋىنان باستالعان. زەرتتەۋ جۇمىستارى رەسەي تجم سانكت-پەتەربۋرگ ۋنيۆەرسيتەتىنىڭ ٴورتتى زەرتتەۋ ورتالىعىندا جۇرگىزىلدى. ساراپتامانىڭ الدىن الا ناتيجەلەرىن kommersant.ru سايتى جاريالادى، دەپ حابارلايدى baq.kz اقپارات اگەنتتىگى.

«ساراپشىلاردىڭ الدىن الا قورىتىندىسى بويىنشا ٴتورتىنشى قاباتتا بالالاردىڭ ويىن الاڭىنىڭ ۇستىندە ەلەكتر سىمدارىنىڭ قىسقا تۇيىقتالۋى ورىن العان. ساۋدا ٴۇيىنىڭ شاتىرى قاردان تازالانباعان، ول ەرىگەن، سودان سوڭ سۋ سىمدارعا تيە باستاعان. العاش بولىپ بالالاردىڭ قۇرعاق باسسەينىنىڭ ۇستىندە ٴىلۋلى تۇرعان اسپاشام جانعان. ول ۇستىنەن تامىپ تۇرعان پلاستيكتىڭ كەسىرەنەن ورتەنگەن»، - دەلىنگەن جاريالىمدا.

ورتالىق ساراپشىلارىنىڭ ايتۋىنشا، ٴورت سونشالىقتى قاتتى بولماۋى كەرەك ەدى، الايدا قوسۋلى تۇرعان اۋا الماستىرعىش ٴورتتى ٴورشىتىپ جىبەرگەن. وسىلايشا عيماراتتىڭ ۇستىڭگى قاباتىن جىلدام كوك ٴتۇتىن باسادى. ٴدال وسى كەزدە كينوزالداردىڭ بىرىندە سەانس اياقتالادى. وكىنىشكە وراي عيماراتتان شىعىپ، امان قالعاندار ساناۋلى بولدى. كينوزالدان شىعىپ ۇلگەرگەندەردىڭ ٴبىرى قوسالقى ەسىككە بارادى، الايدا ول جابىق بولىپ شىعادى. شىعا الماعاندار زالدا قايتىس بولادى.

سونىمەن قاتار، ساۋدا ۇيىندە ەلەكتر سىمدارىنىڭ قىسقا تۇيىقتالۋىنان ساقتايتىن اۆتوماتتى سوندىرگىشتەر ورناتىلعان، الايدا ولار قوسىلماي قالعان.

ەستەرىڭىزگە سالا كەتەيىك، كەمەروۆتاعى «زيمنيايا ۆيشنيا» ساۋدا ورتالىعىندا 25 ناۋرىزدا ٴورت بولدى. عيماراتتان 64 ادام شىعا الماي اجال قۇشتى. ونىڭ ىشىندە 41 بالا بولدى. قىلمىستىق ٴىس بىرنەشە باپتار بويىنشا قارالۋدا، جەتى ادام قاماۋعا الىنعان.

قازاقستان پرەزيدەنتى ورىن العان قايعىلى وقيعاعا كوڭىل ايتتى. سونىمەن قاتار، ەلىمىزدە قۇربان بولعان جانداردىڭ قۇرمەتىنە ەسكە الۋ شارالارى وتكىزىلدى جانە جەرگىلىكتى ساۋدا ويىن ساۋىق ورتالىقتارىن جاپپاي تەكسەرۋ باستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي