BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

كانادادا 70-تەن استام ادام اپتاپ ىستىقتىڭ قۇربانى بولۋى مۇمكىن

فوتو: Eva Hambach/AFP/Getty Images

كانادادا 70-تەن استام ادام اپتاپ ىستىقتىڭ قۇربانى بولۋى مۇمكىن، دەپ حابارلايدى baq.kz اقپارات اگەنتتىگى تاسس سىلتەمە جاساپ.

ctv تەلەارناسىنان حابارلاعانداي، كۆەبەك پەن ونتاريو كانادالىق پروۆينسيالاردا 70 استام ادام اپتاپ ىستىقتىڭ قۇربانى بولۋى مۇمكىن.

ونتاريو پروۆينسياسىنىڭ باس تەرگەۋشىسى دوكتور ديرك حايەر جۋرناليستەر الدىندا جاساعان مالىمدەمەسىندە اتالعان ايماقتا ٴۇش ادامنىڭ قايتىس بولۋ فاكتىسىنە بايلانىستى تەرگەۋ باستالدى جانە ولاردىڭ ولىمىنە وڭىردەگى اپتاپ ىستىق سەبەپ بولۋى مۇمكىن، دەدى. الايدا، ول بۇل جاعدايلار قاي جەردە ورىن العانى تۋرالى ايتپادى، تەك الداعى ۋاقىتتا بۇل ماسەلە توڭىرەگىندە تولىق تۇسىنىكتەمە بەرىلەتىنىن ەسكەرتتى.

ٴوز كەزەگىندە، كۆەبەكتىڭ دەنساۋلىق ساقتاۋ مينيسترلىگى وڭىردە اپتاعىن ىستىقتان زارداپ شەككەندەر سانى 70 ادامعا جەتۋى مۇمكىن دەپ حابارلادى. الايدا ناقتى سان ايتىلمادى.

بۇعان دەيىن حابارلانعانداي، اپتاپ ىستىققا شىداي الماي 54 ادام قايتىس بولعان، ونىڭ ىشىندە 34 جاعداي – مونرەالدا تىركەلدى. جالپى، تابيعي كاتاكليزم كەسىرىنە كوبىنە 60 جانە ودان دا ۇلكەن جاستاعى ازاماتتار قايتىس بولعان.

مونرەالدىق دەنساۋلىق ساقتاۋ مينيسترلىگىنىڭ وكىلى ميلەن دريۋون اتاپ وتكەندەي، تاۋەكەل ايماعىندا سوزىلمالى اۋرۋعا شالدىققان، پسيحيكالىق اۋىتقۋلارى بار، جالعىز باستى ازاماتتار جانە جەلدەتكىشى بار عيماراتتا كوپ وتىراتىن قالالىقتار.

ەسكە سالىپ كەتەيىك، سوڭعى رەت مونرەالدا اپتاپ ىستىق 2010 جىلى تىركەلدى. ول كەزدە قالادا 106 ادام كوز جۇمعان.

ۇلتتىق بيۋرونىڭ مالىمەتى بويىنشا، كۆەبەك پەن ونتاريونىڭ وڭتۇستىك بولىگىندە، سونىمەن قاتار كانادانىڭ اتلانتيكالىق وڭىرىندە 29 ماۋسىمنان باستاپ اپتاعىن ىستىق ورناعان، اۋا تەمپەراتۋراسى +30+40 دەيىن كوتەرىلۋدە. وتكەن جۇمادا اۋا تەمپەراتۋراسى +23 دەيىن تومەندەدى، الايدا سەنبى كۇنى +30 كورسەتتى جانە ودان دا جوعارى كوتەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي