USD 334.31 EUR 355.17 RUB 5.31
استانا:

قالىڭدىق قالىڭ مالدى الىپ، قاشىپ كەتكەن

فوتو: rus.tvnet.lv

وشتا 70 مىڭ سوم قالىڭ مال العان قالىڭدىق رايىنان قايتىپ، ٴىزىن سۋىتقان. بۇل تۋرالى كيرتاگ «يمپەرا گرۋپپ» زاڭ كومپانياسىنىڭ باسشىسى ەميل دجاپاكبايەۆقا سىلتەمە جاساپ حابارلادى.

«جىگىت قالىڭدىق ٴۇشىن قالىڭ مال بەرگەن سوڭ، قىز اقشانى الىپ قاشىپ كەتكەن. سوماسى 70 مىڭ سومدى قۇرايتىن قالىڭ مالدى قايتارماعانىنا ٴبىر جىل بولىپ قالعان. بارلىعى اتا-انا دەڭگەيىندەگى كەلىسىم بويىنشا جۇزەگە اسقان. جاستار جارتى جىلداي كەزدەسىپ جۇرگەن. قىز 22، ال جىگىت 26 جاستا»، - دەدى ە.دجاپاكبايەۆ.

«جىگىت قىزبەن سويلەسپەك بولعان. الايدا قالىڭدىق باسىندا اۋىرىپ قالدىم دەپ، كەيىن مۇلدە ٴىزىن سۋىتقان. اتا-اناسى دا جىگىتپەن كەزدەسۋدەن اۋلاق بولىپ، كەيىن قىزدارىنىڭ قايدا ەكەنىن بىلمەيتىنىن ايتقان»، - دەدى زاڭگەر.

ونىڭ سوزىنە قاراعاندا، جاپا شەگۋشى زاڭگەرلەردىڭ كەڭەسىنە جۇگىنگەن، الايدا وش پروكۋراتۋراسىنا شاعىمدانۋدان باس تارتىپتى.

زاڭگەر اتاپ وتكەندەي، قىرعىزستاندا قالىڭ مال زاڭ بويىنشا رەتتەلمەگەن. الايدا كىنالى تۇلعالار قىرعىزستاننىڭ قك 166 بابى بويىنشا جاۋاپكەرشىلىككە تارتىلادى.

اتاپ وتەيىك، قىرعىزستاننىڭ وتباسى كودەكسى قالىڭ مالعا تىيىم سالمايدى جانە وعان رۇقسات تا بەرمەيدى.

قازاقپارات

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي