BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

يزرايل اسكەرى پالەستينالىق تۋننەلدى تالقاندادى

فوتو: aa.com.tr

يزرايل اسكەرى گازادان باستاۋ الىپ، ٴوز تەرريتوريالارىنىڭ بىرنەشە ونداعان مەترىنە جالعاسقان، پالەستينالىقتاردىڭ جەراستى تۋننەلىن تالقاندادى. يزرايل قورعانىس مينيسترلىگى بۇل سوڭعى بەس ايدا كۇلى كوككە ۇشقان بەسىنشى تۋننەل ەكەنىن ايتتى، دەپ حابارلايدى baq.kz اقپارات اگەنتتىگى سnn باسىلىمىنا سىلتەمە جاساپ.

«گازانىڭ سولتۇستىك ايماعىنان يزرايل تەرريتورياسىنا جاسىرىن جولمەن ەنەتىن بۇل تۋننەل كۇردەلى قۇرىلىسىمەن، مىقتى ساپاسىمەن ەرەكشەلەندى»، - دەدى يزرايل قورعانىس مينيسترلىگىنىڭ وكىلى دجوناتان كونريكۋس.

ناۋرىز ايىنان بەرى ەكى ەل شەكاراسىندا گازا مەن يزرايل اراسىندا قاقتىعىستار ٴجيى ورىن الۋدا. سوندىقتان يزرايل ۇكىمەتى ٴوز ەلدەرىنە جاسىرىن ەنىپ وتىرعان پالەستينالىقتارعا توسقاۋىل قويۋ ٴۇشىن تۋننەلدى تالقانداعان.

«قايتارۋ مارشى» دەپ اتالاتىن پالەستينالىقتار كوتەرىلىسى يزرايلگە ٴوتىپ كەتكەن تاريحي جەرلەرىن قايتارۋ ٴۇشىن باستالعان. ەكى ەل اراسىندا ۇلكەن قابىرعا بولعاندىقتان، پالەستينالىقتار يزرايلگە ٴوتۋدىڭ جاڭا جولى – تۋننەلدەردى ويلاپ تاپقان. جۇما كۇنى گازادا مىڭعا جۋىق پالەستينالىق كوتەرىلىسشى جارالاندى. ولارعا يزرايل اسكەرى كوز جاساۋراتاتىن گاز پەن وق اتقان.

يزرايل قورعانىس مينيسترلىگى بۇل تۋننەلدى «حاماس تەررورىنىڭ تۋننەلى» دەپ اتادى. ونىڭ قۇرىلىسى وزگە جەر استى تۋننەلدەرىمەن بايلانىستا سالىنعان. كونكيرۋستىڭ ايتۋىنشا، ول بىرنەشە جىل بويى سالىنعان، ال يزرايل قورعانىس مينيسترلىگى گازادا ارنايى تىڭشىلىق قۇرالداردىڭ كومەگىمەن تۋننەلدىڭ قۇرىلىسىن باقىلاپ وتىرىپتى.

تۋننەل يزرايل جەرىنە قاراي سوزىلعاننان كەيىن عانا يزرايل ۇكىمەتى ونى تالقانداۋعا بەل بۋعان. دەگەنمەن، تۋننەلدى تالقانداۋ ارقىلى يزرايل ٴوز تۇرعىندارىنا دا ٴقاۋىپ توندىرگەنىن اتاپ ٴوتۋ كەرەك. تۋننەل دجاباليا اۋدانىنان باستاۋ الىپ، ەۆرەيلەردىڭ ناحال-وز اۋدانىنا دەيىن جەتكەن.

«ٴبىز تەرروردىڭ جەر استى جولىن تالقاندادىق. وتە ۇزىن جانە ٴقاۋىپتى جولعا توسقاۋىل قويدىق. حاماس ۇيىمى ميلليونداعان اقشانى ماعىناسىز تۋننەل قۇرىلىسىنا جۇمسادى، ادامداردىڭ تۇرمىسىنا جۇمسالۋى ٴتيىس قارجى ەندى قۇمعا ٴسىڭدى»، -دەپ تۆيتتەر پاراقشاسىنا جازدى يزرايل قورعانىس ٴمينيسترى اۆيگدور ليبەرمان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي