USD 334.31 EUR 355.17 RUB 5.31
استانا:

يتاليادا كەدەيلەردىڭ جاڭا تابى پايدا بولدى

فوتو: YouTube

يتاليادا كەدەيلەردىڭ جاڭا تابى پايدا بولدى. بۇل تاپتى 18 بەن 35 جاس ارالىعىنداعى جاستار قۇرايدى. الەۋمەتتىك زەرتتەۋ ناتيجەسىندە وسىنداي قورىتىندى جاسالىپ وتىر.

ەلدە 1 ميلليوننان استام جاس ازامات كەدەيدىڭ كەبىن كيىپ ٴجۇر. ولاردىڭ دەنى – ٴبىلىمى بار، كوزى اشىق، كوكىرەگى وياۋ جاندار. كەدەيشىلىكتىڭ ٴبىرىنشى سەبەبى – ەلدە جاپپاي جۇمىسسىزدىقتىڭ بەلەڭ الۋى. ٴقازىر جاستار اراسىندا جۇمىسسىزدىق دەڭگەيى 40 پايىزعا جەتكەن. سوندىقتان، تەپسە تەمىر ۇزەتىن يتاليالىق جىگىتتەردىڭ وننان سەگىزىن اتا-اناسى باعىپ وتىر. مەملەكەتتەن ەشقانداي قولداۋ تاپپاعان ولار ەكونوميكالىق داعدارىس سالدارىنان الەۋمەتتىڭ ٴالسىز توبىنا اينالعان. سول سەبەپتى كوبىسى ەۋروپانىڭ وزگە ەلدەرىنە اعىلىپ جاتىر.

«ٴقازىر جاستاردىڭ جۇمىسقا ورنالاسۋى وڭاي شارۋا ەمەس. سوندىقتان ولاردىڭ قور جيناپ، تۇرعىن ٴۇي الۋعا دا ەش مۇمكىندىگى جوق. ەرتەڭگى كۇنگە دەگەن سەنىمى جوق. ولار وزىنە قولايلى جاعداي جاساۋعا دا قاۋقارسىز. ال ەرجەتىپ، اقىل توقتاتقان ادامنىڭ ٴوز قاجەتتىلىگىن وتەيتىن دۇنيەسىنىڭ بولۋى وتە ماڭىزدى»، - دەيدى censis الەۋمەتتىك زەرتتەۋلەر ورتالىعىنىڭ ٴبولىم جەتەكشىسى فرانچەسكو مايەتتا.

24.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي