BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

يتاليادا بومبا تابىلىپ، 20 مىڭ ادام ٴقاۋىپسىز جەرگە كوشىرىلدى

يتاليانىڭ ادريات جاعالاۋىنداعى فانو قالاسىندا ەكىنشى دۇنيەجۇزىلىك سوعىستان قالعان بومباعا بولا 20 مىڭ ادام ٴقاۋىپسىز جەرگە كوشىرىلدى، دەپ حابارلايدى baq.kz اقپارات اگەنتتىگى ريا نوۆوستي سايتىنا سىلتەمە جاساپ.

قالا مەرى ماركە ماسسيمو سەري ٴوزىنىڭ facebook جەلىسىندەگى پاراقشاسىندا بومبا تابىلعان اۋماقتان 1،9 كم راديۋستا سالىنعان ۇيلەردىڭ تۇرعىندارى ٴقاۋىپسىز جەرگە كوشىرىلەتىنىن جازدى. بۇل اۋداندا جاعالاۋ، تاريحي ورتالىق جانە بىرنەشە وڭتۇستىك كۆارتال بار. ەۆاكۋاسيا زوناسىنا قالالىق اۋرۋحانا مەن تەمىرجول ۆوكزالى كىردى.

سونداي-اق، قالا باسشىسى قاي كوشە تۇرعىندارىنىڭ ەۆاكۋاسيالاناتىنىن جانە ولاردى قۇتقارۋشىلار قاي جەردەن كەلىپ الىپ كەتەتىنىن جازدى. بۇل تۇرعىندار سپورت زالدار مەن مەكتەپتەرگە ورنالاستىرىلادى.

قالا بيلىگىنىڭ ايتۋىنشا، بۇل شارا كۇننىڭ ەكىنشى جارتىسىنا دەيىن جالعاسادى. جەرگىلىكتى باق-تىڭ ەسەپتەۋىنشە، 23 مىڭ تۇرعىن ەۆاكۋاسيالانادى. ازىرگە بومبا تابىلعان جەردە اسكەري ساپەرلەر جۇمىس ىستەپ جاتىر. سالماعى 225 كگ بولاتىن اۆيابومبانى ساپەرلەر قۇرىلىس جۇمىستارى كەزىندە تاپقان.

كەيىن مەر بومبانىڭ جاعالاۋ ايماعىنا جەتكىزىلگەنىن حابارلادى.

«سنارياد سۋدىڭ ىشىندە تۇر. بۇل ٴقاۋىپسىز ايماق»، — دەپ جازدى ول.

وسىدان كەيىن فانو قالاسىنىڭ بيلىگى قالادا ۆوكزالدار مەن مەملەكەتتىك مەكەمەلەردىڭ جۇمىستارىن جالعاستىرۋلارىنا رۇقسات بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي