BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

يران اقش سانكسياسىنا جاۋاپ رەتىندە مۇناي ەكسپورتىن ۇلعايتپاق

فوتو: Delo.ua

اقش تاراپىنان جاسالعان سانكسياعا جاۋاپ رەتىندە يران مۇناي ەكسپورتىن ەڭ جوعار مولشەرگە دەيىن ۇلعايتادى. بۇل جايىندا يراننىڭ ٴبىرىنشى ۆيسە-پرەزيدەنتى ەسحاك دجاحانگيري ٴمالىم ەتتى، دەپ حابارلايدى baq.kz اقپارات اگەنتتىگى تاسس اگەنتتىگىنە سىلتەمە جاساپ.

«دۇشپان (اقش) ٴبىزدىڭ تاۋاردىڭ ەكسپورتىن تولىقتاي توقتاتقىسى كەلەدى: مۇناي، تەمىر، مىستىڭ. يران اقش سانكسياسىنا جاۋاپ رەتىندە مۇناي ەكسپورتىن ەڭ جوعارعى مولشەرگە دەيىن ۇلعايتپاق. سونىمەن قاتار بۇل جايت تەمىر ٴوندىرىسى مەن ەكسپورتىن دا جوعارىلاتا تۇسەدى»،- دەيدى دجاحانگيري.

اقش-تىڭ ەكساۋماقتىق سانكسيالارى بىرنەشە كەزەڭمەن وسى جازدا ەنگىزىلمەك جانە ول يرانداعى شەتەلدىك كومپانيالاردىڭ مۇددەسىنە تىكەلەي اسەر ەتەدى. بۇعان دەيىن مەملەكەتتىك دەپارتامەنتتە شەكتەۋدىڭ العاشقى بولىگى 6 تامىزدا قايتا ىسكە قوسىلاتىنى ٴارى ول يراننىڭ اۆتوكولىك قۇرىلىسى سالاسى مەن التىن ساۋداسىن قامتيتىندىعى ايتىلعان. قالعان سانكسيالار 4 قاراشادا كۇشىنە ەنىپ، ەلدىڭ ەنەرگەتيكا ونەركاسىبىنە اسەر ەتپەك. ونىڭ ۇستىنە ۆاشينگتون تەگەراننىڭ مۇناي ساۋداسىنان تۇسەتىن تابىسىن «نولگە» دەيىن قىسقارتۋ كەرەكتىگىن اشىق ايتۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي