BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

حالىق ساياساتكەرلەرگە قاراعاندا عىلىم ساراپشىلارىنا كوبىرەك سەنەدى − عالىمدار

فوتو: cidrap.umn.edu

ساراپشىلار كەيدە شىندىققا جاناسپايتىن پىكىر ٴبىلدىرىپ جاتسا دا، حالىق ۇكىمەت تۇلعالارىنا قاراعاندا سولارعا كوبىرەك سەنەدى، دەپ جازادى baq.kz اقپارات اگەنتتىگى the independent باسىلىمىنا سىلتەمە جاساپ.

جاڭا زەرتتەۋ ناتيجەلەرىنە سەنسەك، امەريكا مەن ۇلىبريتانيا حالقى عىلىم ساراپشىلارىنا قاتتى سەنەدى ەكەن. سونداي-اق ساراپشىلار كەيدە «اقىلعا قونبايتىن» يدەيالاردى ايتسا دا، ادامدار ساياساتكەرلەرگە قاراعاندا ساراپشىلارعا كوبىرەك سەنىم بىلدىرەتىن كورىنەدى.

لوندونداعى ماريا ۋنيۆەرسيتەتىنىڭ عالىمدارى عىلىم ساراپشىلارى مەن «ۇكىمەتتىك توپتار»، ياعني ساياساتكەرلەر اراسىندا حالىق كىمگە كوبىرەك سەنەتىنىن انىقتاۋعا تىرىسقان. عالىمدار حالىقتىڭ بەلگىلى ٴبىر شەشىم قابىلداۋىنا وسى ەكى توپتىڭ قايسىسىنىڭ ٴسوزى وتىمدىرەك ەكەنىن دە انىقتاپ كوردى.

زەرتتەۋ بارىسىندا عالىمدار حالىققا ٴتۇرلى شارتتار قويعان. ونىڭ ىشىندە «كوفەنى وڭنان سولعا قاراي ارالاستىرۋ پايدالىراق» دەگەن سەكىلدى شىندىققا جاناسپايتىن پىكىرلەر پايدالانىلعان. basic and applied social psychology جۋرنالىندا جاريالانعان زەرتتەۋ ناتيجەسىنە سەنسەك، حالىقتىڭ كوپشىلىگى ۇكىمەت تۇلعالارىنا قاراعاندا، عالىمدارعا كوپ سەنەتىن بولىپ شىققان. ونىڭ ىشىندە عالىمدار ٴتىپتى وتىرىك شەشىم شىعارىپ جاتسا دا، ادامدار سوعان سەنەتىنى بايقالعان.

ماريا ۋنيۆەرسيتەتىنىڭ بيولوگيالىق جانە حيميالىق عىلىمدار مەكتەبىنىڭ عالىمى، ماقالا اۆتورلارىنىڭ ٴبىرى ماگدا وسماننىڭ ايتۋىنشا، اقش پەن ۇلىبريتانيا حالقى عالىمدارعا كوبىرەك سەنەدى جانە كەيدە ولاردىڭ ايتقاندارى شىندىققا جاناسپاسا دا، سولاردىڭ ٴسوزىن قۇپ كورەدى ەكەن.

ۇكىمەت ادامداردىڭ بەلگىلى ٴبىر شەشىم قابىلداۋىنا اسەر ەتۋدى كوزدەيدى. دەنساۋلىق ساقتاۋ سالاسى، جەكە قارجى سالاسى بولسىن، بەلگىلى ٴبىر شەشىمگە قاراي ۇگىتتەۋ نەمەسە باعىتتاۋ – كەز كەلگەن ۇكىمەت قولداناتىن جولداردىڭ ٴبىرى.

«حالىق دۇرىس شەشىم قابىلداۋ ٴۇشىن كەز كەلگەن اقپاراتتى تولىعىمەن ساراپتايتىن بولادى. وزدەرى دە بەلگىلى ٴبىر سىناققا قاتىسار بولسا، حالىق دۇرىس اقپارات بەرۋگە تىرىسادى. سوندىقتان دا بولار، حالىق بيلىك وكىلدەرىنە قاراعاندا عىلىم ساراپشىلارىنا كوبىرەك سەنەدى»، - دەيدى زەرتتەۋشىلەر.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي