BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قىتايدىڭ گويۋان پورتىندا جۇكتىڭ ٴبىر تونناسى ٴۇشىن ٴبىر تيىن (ماو) تولەنەدى

فوتو: Гүлжан Раманкулова

قازاقستاننان بارعان ٴبىر توپ جۋرناليست قىتايدىڭ ەڭ ٴىرى كوممەرسيالىق ورتالىقتارىنىڭ ٴبىرى بولعان – چۋنسين قالاسىنا باردى. مۇندا اۆتوموبيل، تەڭىز جانە تەمىرجول تاسىمالدارىن جاساۋ قىزمەتىن كورسەتەتىن ٴىرى پورت بار، دەپ حابارلايدى ۆaq.kz ٴتىلشىسى.

قىتاي ينۆەستيسيانى دامىتۋ مەملەكەتتىك كورپوراسياسىنىڭ «گويۋان پورتى» اق باس ديرەكتورىنىڭ ورىنباسارى سياو سزينيۋ چۋنسيندىك پورتتان شىققان تاۋارلار قازاقستانعا دەيىن تەمىرجول ارقىلى باراتىنىن ايتتى.

گۇلجان رامانكۋلوۆا

«2017 جىلدىڭ 27 جەلتوقسانىندا قازاقستانعا دەيىن ۆاگونداردى جونەلتتىك. سونىمەن قاتار، چۋنسين-شانحاي جەدەل شوسسە ارقىلى دا تاسىمال جاسالادى. اتاپ وتەتىن ماڭىزدى جايت – ەكونوميكالىق زونالارمەن بايلانىستى يانسزى وزەنى ارقىلى جاسايمىز. ٴبىزدىڭ پورتىمىز سۋ، تەمىرجول جانە اۆتوموبيل تاسىمالدارىن ىسكە اسىرادى. يانسزى ارقىلى تاۋار ىشكى باعىتتارعا وتە ارزان باعامەن تاسىمالدانادى – ٴبىر توننا ٴۇشىن ٴبىر تيىن (ماو) تولەنەدى»، - دەدى پورت باس ديرەكتورىنىڭ ورىنباسارى سياو سزينيۋ.

ونىڭ ايتۋىنشا، بىلتىر پورت ارقىلى 13 ملن توننا جۇك تاسىمالدانعان. 300 مىڭ كونتەينەر، ونىڭ 70 مىڭ كونتەينەرى تەمىرجول ارقىلى جىبەرىلگەن. چۋنسيندىك پورتتىڭ باسشىلىعى 2020 جىلعا دەيىن جۇك تاسىمالىنىڭ جالپى كولەمىن 30 ملن تونناعا جەتكىزۋدى كوزدەپ وتىر.

گۇلجان رامانكۋلوۆا

«ارينە، ٴبىز بولاشاقتا جىبەك جولىنىڭ «ٴبىر جول، ٴبىر بەلدەۋ» ەكونوميكالىق بەلدەۋىنە كىرۋدى جانە حالىقارالىق ىنتىماقتاستىقتى دامىتۋدى ويلايمىز. ال «قىتاي-ەۋروپا» باعىتىنداعى تاسىمالدار مىندەتتى تۇردە قازاقستان ارقىلى ترانزيتپەن جۇزەگە اسادى. وسىلايشا وتكەن جىلى ٴسىزدىڭ ەلىڭىز ارقىلى 40مىڭ كونتەينەر جونەلتىلدى»، - دەدى سياو سزينيۋ.

گۇلجان رامانكۋلوۆا

ودان ٴارى باس ديرەكتوردىڭ ورىنباسارى قازاقستاندىق جۋرناليستەرگە گويۋان پورتىنا جاقىن جەردەگى يانسزى وزەنىندەگى ەكونوميكالىق بەلدەۋىن تانىستىردى.

ول تەمىرجولدان بولەك، شانحاي باعىتى بويىنشا اۆتوموبيل جولىنىڭ بار ەكەنىن اتاپ ٴوتتى.

«بۇرىن بىزدە امەريكاعا نە ەۋروپاعا دەيىن ٴبىر جول بولدى. ٴقازىر بولسا پورت ارقىلى جىبەك جولى تەڭىزىنە دەيىن كەڭەيتىپ جاتىرمىز. مىسالعا، قازاقستانعا ٴۇرىمجى ارقىلى دا جول بار. بۇل پورت ەكونوميكالىق بەلدەۋ جانە جىبەك جولى ٴۇشىن باستى پلاتفورما بولىپ ەسەپتەلەدى. كەلەشەكتە تاۋلىگىنە ٴجۇز مىڭ تونناعا دەيىن جۇك جونەلتۋدى جوسپارلاپ وتىرمىز. ٴدال ٴقازىر ٴبىز 2014 جىلى پرەمەر-مينيستر جانە ٴوحر ٴتوراعاسى سي سزينپين بولعان ورىندا تۇرمىز. بۇل پورت 2013 جىلدىڭ جەلتوقسانىندا اشىلدى. وتكەن جىلى 40 مىڭ توننا جۇك جۇكتەلدى. پورت قىتايدىڭ ەكونوميكالىق بەلدەۋىنىڭ ورتالىعى دەپ سانالادى جانە ونى تۇگەلدەي مەملەكەت قارجىلاندىرادى»، - دەدى سپيكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي