BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

گەرمانيادا توتىقۇسپەن ۇرسىسقان ەر ادامنىڭ كورشىسى پوليسيا شاقىرۋعا ٴماجبۇر بولدى

فوتو: nashiptichki.ru

لەرراح قالاسىندا ەر ادام قالىڭدىعىنىڭ توتىقۇسىمەن ۇرسىسىپ، كورشىلەر پوليسيا قىزمەتكەرلەرىن شاقىرتۋعا ٴماجبۇر بولدى، دەپ حابارلايدى baq.kz اقپارات اگەنتتىگى news.bigmir.net سايتىنا سىلتەمە جاساپ.

قۇقىق قورعاۋ قىزمەتكەرلەرىنە حابارلاسقان قالا تۇرعىنى كورشى پاتەردىڭ قابىرعاسىنان ەكى ادامنىڭ ۇرسىسىپ جاتقان داۋىسىن ەستىگەنىن، ەر ادام الدەكىمگە زورلىق كورسەتىپ جاتۋى مۇمكىن ەكەنىن ايتىپ شاعىمدانعان.

پوليسيا قىزمەتكەرلەرى شاقىرىلعان جەرگە كەلگەن كەزدە ەشقانداي قىلمىستىق ٴىس جاسالماعانىنا كوز جەتكىزەدى. ولار پاتەر ىشىندە توتىقۇسپەن ۇرسىسىپ جۇرگەن ەر ادامدى كورەدى. ەر ادام توتىقۇسقا داۋىس كوتەرىپ سويلەسە، توتىقۇس تا وعان داۋىس كوتەرىپ جاۋاپ قايتارعان.

«قۇقىق قورعاۋ قىزمەتكەرلەرى ەسىكتىڭ سىرتىندا تۇرىپ، ٴۇي ىشىندەگى ۇرسىسقان داۋىستاردى ەستىگەن. ولار ىشكە كىرگەن كەزدە توتىقۇسپەن داۋلاسىپ وتىرعان ەر ادامدى كورگەن. ول قالىڭدىعىنىڭ توتىقۇسىنىڭ مىنەز-قۇلقى ۇنامايتىنىن، سول ٴۇشىن داۋلاسىپ وتىرعانىن ايتقان. توتىقۇس ونىڭ سوزدەرىنە قاتتى داۋىس كوتەرگەن»، - دەلىنگەن حابارلامادا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي