BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

گازادا اقش ەلشىلىگىن اشۋ كەزىندە 58 پالەستينالىق قازا تاپتى

2014 جىلعى يزرايل-پالەستينا اراسىنداعى سوعىستان كەيىن العاش رەت كەشە گازا ايماعىندا تاعى دا قاندى قاقتىعىستار بولدى. يەرۋساليمدە اقش ەلشىلىگى اشىلعان سوڭ، ودان بار بولعانى 50 ميل جەردە اتىس-شابىس بولىپ، يزرايل قارۋلى كۇشتەرى ونداعان پالەستينالىقتى گازا شەكاراسىندا اتىپ ٴولتىردى. بۇل تۋرالى baq.kz اقپارات اگەنتتىگى cnn باسىلىمىنا سىلتەمە جاساپ حابارلايدى.

پالەستينا دەنساۋلىق ساقتاۋ مينيسترلىگىنىڭ حابارلاۋىنشا، بۇل قاندى قاقتىعىستا 58 ازامات قازا تاپقان. ترامپ اكىمشىلىگىنىڭ تەل-اۆيۆتەگى ەلشىلىكتى يەرۋساليمگە كوشىرۋ تۋرالى شەشىمى پالەستينالىقتاردىڭ جىنىنا تيگەن، وسى سەبەپتى دە ولار نارازىلىق كورسەتكەن.

گازادا كوز جاساۋراتاتىن گاز بەن اتقىش قۇرالداردى قولدانعان يزرايل اسكەريلەرى، ٴتىپتى، تانكتەرىن دە ىسكە قوسقان. پالەستينالىق شەنەۋنىكتەر ٴيزرايلدى قاتال جازا قولدانعانى ٴۇشىن ايىپتاپ، حالىقارالىق ۇيىمداردىڭ ارالاسۋىن سۇرادى. ولاردىڭ ايتۋىنشا، 2700 ادام جارالانعان. ازىرگە قازا تاپقاندار مەن جارالانعانداردىڭ جەكە مالىمەتتەرى انىقتالعان جوق.

ال يزرايل قورعانىس كۇشتەرى تەرروريستىك ىستەردى ۇيىمداستىراتىن پالەستينالىق «حاماس» توبىن 35 مىڭ ادامدى قارسىلاسۋعا ۇگىتتەگەنى ٴۇشىن ايىپتاپ وتىر. شەكارادا بولعان نارازىلىق اكسياسىن يزرايل تەرروريستىك كوتەرىلىس دەپ اتادى.

يزرايل اسكەريلەرى قارسىلىق تانىتۋشىلار جارىلعىش زاتى بار بوتەلكەلەردى، جانعان شينالار مەن تاستاردى لاقتىردى دەيدى. سونداي-اق ولار ٴۇش قارۋلانعان پالەستينالىق ازاماتتى رافاح جەرىندە ۇستاپ العان، بۇل - مىسىرمەن شەكاراداعى ايماق.

بريتانيا-پالەستينالىق دارىگەر گاسسان ٴابۋ سيتتەحتىڭ ايتۋىنشا، جارالانعانداردىڭ كوپشىلىگى - جاس ازاماتتار. ولاردىڭ دەنەسىن وق الىنىپ جاتىر دەدى دارىگەر. گازانىڭ سولتۇستىك ايماعىنداعى دجاباليا لاگەرىندە بريتانيا قايىرىمدىلىق ۇيىمىنىڭ دارىگەرلەرى پالەستينالىقتارعا كومەك كورسەتىپ جاتىر.

التى جىلدان بەرى بىرنەشە رەت كوتەرىلىستەر مەن قاقتىعىستار بولعانىمەن، دۇيسەنبى كۇنگى وقيعادا قازا تاپقاندار سانى بارىنەن كوپ تىركەلدى. 30 ناۋرىز كۇنى قارسىلىق تانىتۋشىلارعا وق اتىلىپ، 17 ادام كوز جۇمعان.

«ارينە، بۇل ەڭ ناشار كۇن بولدى. ەرتەڭ دە جالعاسىن تابادى دەپ بولجاپ وتىرمىز. جارالانعانداردىڭ كوپشىلىگى جازىلار ەمەس، ولار ٴالى ۇزاق ۋاقىت وسى جاراقاتتارىمەن كۇرەسەدى. 60 پايىزى مۇگەدەك بولىپ قالادى دەپ ايتا الامىن، ونىڭ ۇستىنە ٴارقايسىسى ساۋىعۋ ٴۇشىن 5-7 رەت وتا جاساتۋى ٴتيىس»، - دەدى دارىگەر ٴابي سيتتەح.

يزرايل پرەمەر-مينيسترى بينيامين نەتانياحۋ اسكەريلەردى جاقتاپ، «ٴار مەملەكەت ٴوز شەكاراسىن قورعاۋعا مىندەتتى» دەدى.

بۇگىن وسى كوتەرىلىستىڭ جالعاسى بولۋى مۇمكىن. ويتكەنى، ٴدال بۇگىن پالەستينالىقتار 70 جىل بۇرىن يزرايل ورناتقان سۇمدىق جايتتاردىڭ قۇرمەتىنە ناكبا مەرەكەسىن اتاپ ٴوتىپ، قازا تاپقان باۋىرلارىن ەسكە الادى.

پالەستينا اۆتونومياسىنىڭ پرەزيدەنتى ماحمۇد ابباس ۇكىمەت جينالىسىن وتكىزىپ، ٴۇش كۇندىك قارالى كۇندى جاريالادى.

«بۇگىن ٴبىزدىڭ ەل باسىنا تۋعان ەڭ قارالى كۇن. وسىعان دەيىن زاڭسىز يزرايل كوشى-قونىنان زارداپ شەكتىك. ەندى وعان زاڭسىز اقش ارەكەتتەرى قوسىلدى»، - دەدى ابباس.

ال تۇركيا پرەمەر-مينيسترى رەدجەپ تاييپ ەردوعان لوندوندا ٴسوز سويلەپ، ٴيزرايلدى «تەرروريستىك ەل» دەپ ايىپتادى. ال اتىس-شابىستى يزرايل جاساپ وتىرعان گەنوسيد دەدى.

ساۋد ارابياسىنىڭ سىرتقى ىستەر مينيسترلىگى دە ٴيزرايلدىڭ كۇش قولدانعانىن ايىپتاپ، پالەستينالىق ازاماتتارعا قاتىستى زورلىق-زومبىلىقتىڭ، كۇش كورسەتۋدىڭ توقتاتىلۋىن تالاپ ەتتى.

بۇۇ باس حاتشىسى انتونيو گۋتەرريش گازاداعى زورلىققا قاتتى الاڭداۋشىلىق ٴبىلدىرىپ، يزرايل قارۋلى كۇشتەرىن قارۋ قولدانباۋعا شاقىردى.

«وسى تراگەديالىق ولىمگە حاماس پالەستينالىق تەرروريستىك ۇيىمى جاۋاپتى. ٴيزرايلدىڭ قورعانۋعا قۇقىعى بار»، - دەدى اقش مەملەكەتتىك حاتشىسى مايك پومپەو.

پرەزيدەنت دونالد ترامپ يەرۋساليمدەگى اقش ەلشىلىگىنىڭ اشىلۋ سالتاناتىنا كەلگەن جوق. ٴبىراق، ۆيدەوبايلانىس ارقىلى ٴيزرايلدى قۇتتىقتاپ، بۇل قۋانىش «ۇزاعىنان بولسىن» دەدى.

«يزرايل تاۋەلسىز مەملەكەت، سوندىقتان ٴوز جەكەمەنشىك استاناسىن تاڭداۋعا قۇقىلى. ٴبىراق ۇزاق جىلدار بويى ٴبىز يزرايل استاناسى يەرۋساليم قالاسى ەكەندىگىن مويىنداي الماي كەلدىك»، - دەدى ترامپ.

وسى ەلشىلىكتىڭ اشىلۋ سالتاناتىندا بينيامين نەتانياحۋ اقش پەن يزرايل اراسىنداعى قاتىناستى وسىعان دەيىن بولماعان، ەڭ مىقتى وداق دەپ باعالادى. سوندىقتان ول 14 مامىردى «ۇلتتىق مۇراعاتتا ماڭىزدى ورىن الاتىن كۇن» دەپ اتاپ ٴوتتى.

ال اقش-تىڭ بۇل ارەكەتى پالەستينالىقتاردىڭ اشۋ-ىزاسىن تۋعىزدى. ويتكەنى، ولار يەرۋساليمدى ٴوز ەلدەرىنىڭ بولاشاق استاناسى دەپ سەنەدى. ٴتىپتى، پالەستينا ٴۇشىن عانا ەمەس، بۇل قالانىڭ كوپتەگەن اراب ەلدەرى ٴۇشىن الار ورنى زور. يسلام ٴدىنى بويىنشا ەڭ قاسيەتتى مەكەندەردىڭ ٴبىرى رەتىندە تانىلعان يەرۋساليم - تاريحي ماڭىزى بار قالا. الايدا، ەۆرەيلەر مەن حريستياندار ٴۇشىن دە ٴدىني تۇرعىدان ماڭىزدى شاھار سانالادى.

ەسكە سالا كەتەيىك، ناۋرىز ايىنىڭ سوڭىنان بەرى ٴار اپتانىڭ جۇماسىندا مىڭداعان ادام شەكاراعا كەلىپ، «قايتارۋ مارشىن» وتكىزىپ ٴجۇر. ولار سوعىس كەزىندە ەۆرەيلەر باسىپ العان جەرلەرىن قايتارعىسى كەلەدى جانە 1948 جىلى يزرايل مەملەكەتى قۇرىلعان ساتتە كوپتەگەن ادىلەتسىزدىك ورىن الدى دەپ سەنەدى.

بىرنەشە اپتاعا جالعاسقان بۇل شەرۋ بۇگىن 15 مامىر كۇنى اياقتالۋى ٴتيىس. ويتكەنى، بۇل كۇن - ناكبا مەرەكەسى نەمەسە يزرايل مەنشىكتەپ العان جەردەن قۋىلعان 700 000 پالەستينالىقتاردى ەسكە الاتىن «قايعىلى مەرەكە». بۇگىن مىڭداعان تۇرعىن شەرۋگە شىعادى.

ايتا كەتەرلىگى، 7 اپتالىق كوتەرىلىس كەزىندە 100-دەن استام بەيبىت تۇرعىن كوز جۇمدى. ونىڭ جارتىسىنان استامى 14 مامىر كۇنى قازا تاپتى.

يزرايلگە قارسى پىكىر ايتىپ، اشۋلانعان ەلدەر مەن حالىقارالىق ۇيىمدار سانى كۇن ساناپ ارتۋدا. مىسىردان باستاپ اراب ەلدەرىنىڭ ٴبارى جانە يزرايلدىك بەيبىت «بەسەل» ۇيىمى دا بينيامين نەتانياحۋ ارەكەتىن ايىپتاۋدا. بۇۇ انتيراسيستىك كوميتەتى يزرايلدەن «زاڭسىز كۇش كورسەتۋ» ارەكەتىن توقتاتۋدى تالاپ ەتتى. حالىقارالىق امنيستيا ۇيىمى حالىقارالىق قۇقىقتىڭ بۇزىلعاندىعىن، اسكەري قىلمىستىڭ ورىن العانىن ايتۋدا.

اعىلشىن تىلىنەن اۋدارعان

التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي