BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

عالىمدار ۇزاق ٴومىر ٴسۇرۋدىڭ قۇپياسىن اشتى

تازا اۋادا ٴجۇرۋ ادامنىڭ دەنساۋلىعىنا جاقسى اسەر ەتىپ، مەزگىلسىز ٴولىمنىڭ ٴقاۋپىن ازايتادى. شىعىس انگليا ۋنيۆەرسيتەتىنىڭ عالىمدارى وسىنداي تۇجىرىمداما جاسادى، دەپ حابارلايدى baq.kz اقپارات اگەنتتىگى ريا نوۆوستي-گە سىلتەمە جاساپ.

eurekalert پورتالىنىڭ جازۋىنشا، ماماندار 20 ەلدەن 290 ميلليوننان استام ادام قاتىسقان 140-تان استام دەرەكتەرگە زەرتتەۋ جۇرگىزگەن.

ۋنيۆەرسيتەتتىڭ قىزمەتكەرلەرى جاسىل جەلەكتى اۋماقتا كوپ جۇرەتىن ادامدار مەن تازا اۋاعا كوپ شىقپايتىن ادامداردىڭ كورسەتكىشتەرىن سالىستىرعان.

«ٴبىز جاسىل-جەلەكتى تازا اۋادا جۇرەتىن ادامداردىڭ دەنساۋلىعى جاقسى بولاتىنىن بايقادىق. تازا اۋادا كوبىرەك ٴجۇرۋ ەكىنشى ٴتيپتى ديابەتتىڭ، جۇرەك-قان تامىرلارى اۋرۋلارىنىڭ جانە مەزگىلسىز ولىمگە دۋشار بولۋ ٴقاۋپىن تومەندەتەدى. سونداي-اق، جاقسى ۇيىقتاۋعا اسەر ەتەدى»، - دەلىنگەن زەرتتەۋ جۇمىستارى جازباسىندا.

سونىمەن قاتار، عالىمدار تازا اۋادا سەرۋەندەۋ سترەسس دەڭگەيىن تومەندەتىپ، قان اينالىمىنا، جۇرەكتىڭ سوعۋىنا جانە باسقا دەنساۋلىققا دا جاقسى اسەر ەتەتىنىن ايتادى.

«جاسىل-جەلەكتى اۋماققا جاقىن تۇراتىن ادامداردىڭ فيزيكالىق بەلسەندىلىگى دە ارتىق بولادى. سونداي-اق، تابيعي اۋماقتا كەزدەسەتىن ٴتۇرلى باكتەريالار ادامنىڭ يممۋندىق جۇيەسىنە جاقسى اسەر ەتىپ، اۋرۋلاردىڭ اسقىنۋىن تومەندەتەدى»، - دەيدى عالىمدار.

ماماندار ايتىپ وتكەندەي، تازا اۋادا كوبىرەك ٴجۇرۋ كەزىندە بيولوگيالىق بەلسەندى زاتتار – فيتونسيدتەر دەنساۋلىققا جاقسى اسەرىن تيگىزىپ، ٴارتۇرلى اۋرۋلاردىڭ دامۋىن تەجەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي