BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

عالىمدار مۋزىكا ٴدارى اسەرىن كۇشەيتەتىنىن دالەلدەدى

فوتو: FainaIdea.com

مۋزىكا – ۇلى كۇش. ول تەك مادەني مۇرا عانا ەمەس، ول ادام اعزاسىنا دا كۇشتى ىقپال ەتەدى. مۇنى ٴارتۇرلى زەرتتەۋلەر دالەلدەپ كەلەدى. سولاردىڭ ەڭ سوڭعىسى مۋزىكا گيپەرتونياعا قارسى دارىلەردىڭ اسەرىن كۇشەيتەتىنىن دالەلدەدى، دەپ حابارلايدى baq.kz اقپارات اگەنتتىگى tengrimix پورتالىنا سىلتەمە جاساپ.

گيپەرتونيا – تۇراقتى تۇردە قان قىسىمى جوعارى بولۋى. ول تۋا ٴبىتۋى دە مۇمكىن، ۋاقىت وتە كەلە ٴتۇرلى كۇيزەلىستەردەن تۋىنداۋى دا مۇمكىن. برازيليانىڭ سان-پاۋلۋ مەملەكەتتىك ۋنيۆەرسيتەتىنىڭ جانە ۇلىبريتانياداعى وكسفورد-برۋكس ۋنيۆەرسيتەتىنىڭ عالىمدارى گيپەرتونيا سيمپتومدارى بار 37 ادامنىڭ قاتىسۋىمەن قىزىقتى سىناق وتكىزدى. زەرتتەۋگە قاتىسۋشىلاردىڭ بارلىعى التى ايدان ٴبىر جىلعا دەيىن سوزىلعان ەمدەۋدەن ٴوتىپ وتىرعان.

ەمدەلۋشىلەر كۇن سايىن ٴدارى قابىلداعاننان كەيىن مۋزىكا تىڭداعان. كومپوزيسيالار ٴبىر ساعات بويى ورىندالىپ تۇرعان جانە ٴدال وسى ۋاقىت ىشىندە ٴاربىر 20 مينۋت سايىن دارىگەرلەر ەمدەلۋشىلەردىڭ قان قىسىمىن تەكسەرىپ وتىرعان.

زەرتتەۋ ٴان تىڭداعان ۋاقىتتا جۇرەك سوعىسىنىڭ جيىلىگى تومەندەگەنىن كورسەتكەن. زەرتتەۋ باسشىسى ۆيتور ەنگراسيا ۆالەنتي مۋزىكالىق تەراپيانىڭ ادامداردىڭ قان قىسىمىنا وڭ ىقپالى بۇرىننان بەلگىلى بولعانىن، الايدا مۋزىكا ٴدارى اسەرىنە ىقپال ەتۋ-ەتپەۋى بەيمالىم بولىپ كەلگەنىن ايتتى.

سوندىقتان، ٴسىزدىڭ قان قىسىمىڭىز جوعارى بولسا، ٴدارى قابىلداعان سوڭ مۋزىكا تىڭداۋعا كەڭەس بەرەمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي