BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

ەرەۆان تۇرعىندارى ەكس-پرەزيدەنتكە قارسى نارازىلىق اكسياسىن وتكىزدى

ەرەۆاندا وپپوزيسيا جاقتاستارىنىڭ ازاماتتىق مويىنسۇنباۋ اكسياسى ٴوتىپ جاتىر. نارازىلىق شەرۋى وتەتىن كۇن الدىن الا جاريالانعان. ولار پارلامەنتتىڭ 17 ساۋىردە بۇرىنعى پرەزيدەنت سەرج سارگسياننىڭ ارمەنيا پرەمەر-مينيسترى قىزمەتىنە ۇسىنۋدى داۋىسقا سالۋىنا قارسى شىقتى، دەپ حابارلايدى baq.kz اقپارات اگەنتتىگى.

«ازاماتتىق كەلىسىم» پارتياسىنىڭ جەتەكشىسى، اكسيانى ۇيىمداستىرۋشى نيكول پاشينيان جاقتاستارىمەن بىرگە ەرەۆان ورتالىعىنداعى بىرنەشە كوشەنى بوگەپ تاستادى. وعان ستۋدەنتتەر قوسىلدى. مەترو قوزعالىسى 10 مينۋتقا توقتادى، بىرنەشە كوپىر بوگەلدى، دەپ حابارلادى ازاتۋتيۋن راديوسى.

ارمەنيا پوليسياسى «بەلسەندىلەردىڭ بارلىق ارەكەتىن زاڭسىز» دەپ اتاپ، «ازاماتتاردىڭ ەركىن ٴجۇرىپ-تۇرۋىنا بوگەت جاسادى» دەپ سىنادى. بەلسەندىلەرگە كۇش قولدانعانى تۋرالى مالىمەت جوق.

نيكولاي پاشينيان باستاعان شەرۋشىلەر پوليسيانىڭ بىرنەشە قورشاۋىن بۇزىپ ٴوتتى. ولار پوليسيامەن قاقتىعىستى قالامايتىنىن، اكسيالارىنىڭ بەيبىت ەكەنىن قولدارىن كوتەرۋ ارقىلى كورسەتتى.

ارمەنيا پارلامەنتى ناۋرىز ايىندا العاش رەت ەلدىڭ جاڭا پرەزيدەنتىن سايلاپ، سول ارقىلى 2015 جىلعى كونستيتۋسيالىق رەفورمانى اياقتادى. ارمەنيا باسقارۋدىڭ پارلامەنتتىك فورماسىنا ٴوتىپ جاتىر. مەملەكەتتى پرەمەر-مينيستر باسقارادى. بيلىك باسىنداعى ارمەنيا رەسپۋبليكالىق پارتياسى 14 ساۋىردە بۇل قىزمەتكە سەرج سارگسياندى ۇسىندى. ول 2008-2018 جىلدار ارالىعىندا پرەزيدەنت قىزمەتىن اتقارعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي