USD 334.31 EUR 355.17 RUB 5.31
استانا:

ەردوعان: "ەۆفرات قالقانى" وپەراسياسى جالعاسادى

تۇركيا پرەزيدەنتى رەجەپ ەردوعان سيريانىڭ سولتۇستىگىندە "ەۆفرات قالقانى" وپەراسياسىنىڭ جاڭا كەزەڭى باستالاتىنىن جاريالادى. تۇركيا كۇشتەرى سيريالىق الەپپو پروۆينسياسىنداعى مۇسىلمانداردىڭ قاسيەتتى دابيك قالاسىنا شابۋىل باستاۋدى كوزدەپ وتىر، دەپ حابارلايدى baq.kz ٴتىلشىسى centralasian.org-كە سىلتەمە جاساپ.

بۇل مالىمدەمە 15 قازاندا اقش، رەسەي جانە تاياۋ شىعىستىڭ ٴبىرقاتار ەلدەرىنىڭ سىرتقى ىستەر مينيسترلەرىنىڭ قاتىسۋىمەن شۆەيساريادا باستالعان كەزدەسۋلەر كەزىندە جاسالىپ وتىر. ديپلوماتيالىق مەكەمەلەر باسشىلارى ايماقتاعى جانجالدى رەتتەۋ مۇمكىندىكتەرىن قاراستىرۋ ماقساتىندا باس قوستى.

بۇل ۋاقىتتا سيريانىڭ سولتۇستىگىندە، الەپپو قالاسىنىڭ شىعىسىنداعى اۋداندارعا باقىلاۋ ورناتۋ ٴۇشىن كەسكىلەسكەن ۇرىس ٴجۇرىپ جاتىر. قارۋلى وپپوزيسيا كۇشتەرىنە قارسى اسكەري وپەراسيانى سيريا پرەزيدەنتى باشار اساد اسكەرى رەسەيلىك اۋە كۇشتەرىنىڭ قولداۋىمەن جۇرگىزىپ كەلەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي