BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ەردوعان ەكىنشى رەت پرەزيدەنت بولىپ سايلاندى

9 شىلدەدە انكارادا تۇركيا پرەزيدەنتى رەجەپ تايىپ ەردوعاننىڭ يناۋگۋراسياسى ٴوتتى. وسى كۇنى ەلدە پرەزيدەنت بيلىگىن كۇشەيتكەن جاڭا كونستيتۋسيا كۇشىنە ەندى، دەپ حابارلايدى baq.kz اقپارات اگەنتتىگى.

reuters اقپارات اگەنتتىگىنىڭ حابارلاۋىنشا، ەردوعان ەندى ۇكىمەت مۇشەلەرىنىڭ ٴتىزىمىن جاريالايدى. انت قابىلداۋ كەزىندە ول جاڭا ۇكىمەتتىڭ العاشقى وتىرىسى 13 شىلدەدە وتەتىنىن ايتتى.

ەردوعان 2018 جىلى 24 ماۋسىمداعى سايلاۋدى جەڭىسكە جەتىپ، بەس جىلعا پرەزيدەنت بولىپ سايلانعان. جاڭا كونستيتۋسياعا ساي پرەزيدەنتتىڭ وكىلەتتىلىگى ارتىپ، پرەمەر-مينيستردىڭ مىندەتتەرى ازايعان. پرەزيدەنت ۆيسە-پرەزيدەنتتى ٴوزى سايلايدى. ال پارلامەنت پرەزيدەنت جۇمىسىنا ارالاسا المايدى. ەل باسشىسى كەرەك ۋاقىتىندا پارلامەنتتى تاراتىپ، ەلدە توتەنشە جاعداي جاريالاي الادى.

تۇركيانى 15 جىلدان بەرى باسقارىپ كەلە جاتقان ەردوعان بۇرىن پرەمەر-مينيستر بولعان. ول 2014 جىلى پرەزيدەنت بولىپ سايلانعان. كەزىندە ستامبۋلدىڭ مەرى قىزمەتىن دە اتقارعان ەردوعان نەدجمەتدين ەرباكان باسقاراتىن يسلامدىق پارتياعا تىيىم سالعان سوڭ ٴوزىنىڭ ادىلەت پەن دامۋ پارتياسىن قۇرعان ەدى.

2016 جىلعى شىلدەنىڭ 15-ىندە ەلدە مەملەكەتتىك توڭكەرىس جاساۋ تالپىنىسى بولىپ، بيلىك ونى كۇشپەن باسىپ، سوڭىنان مىڭداعان ادامدى قۋعىنداعان. باتىس ەردوعاندى توڭكەرىسشىلەردى جازالاۋ ناۋقانى اياسىندا ساياسي باسەكەلەستەرىن قۋدالاپ جاتىر، ادام قۇقىقتارىن بۇزادى دەپ ٴجيى سىنايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي