BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

ەڭ الىس قاشىقتىقتا ورنالاسقان دىبىس جازۋ ستۋدياسى

فوتو: edition.cnn.com

remote island دىبىس جازۋ ستۋدياسى الەمگە ٴمىنسىز شىعارماشىلىق ورتادا ٴارى ەڭ الىس قاشىقتىقتا ورنالاسقاندىعىمەن تانىمال بولدى، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

نورۆەگيانىڭ سولتۇستىك-باتىسىندا شاعىن گيسك (giske) ارالى بار، ول تەپ-تەگىس تەرريتورياسىمەن ەرەكشەلەنەدى. ٴبىر جاعىنان تاۋمەن، ەكىنشى جاعىنان سولتۇستىك اتلانت مۇحيتىمەن قورشاۋعا الىنعان ارال تابيعاتى ەرەكشە. ۇنەمى جەل تۇرىپ تۇرعانىمەن، وسى جەردە تۇراتىن 700 ادام تىپ-تىنىش تابيعاتى بار ارالدى ەرەكشە جاقسى كورەدى.

ٴبىر قىزىعى، شاعىن گيسك ارالىنان كوپتەگەن تانىمال مۋزىكانتتار شىققان. ولاردىڭ قاتارىندا arcade fire، sampha جانە 1980 جىلدار جۇلدىزى ا-ha بار.

وسى ارالدا الەمدەگى ەڭ ەرەكشە دىبىس جازۋ ستۋدياسى بار. سىرتىنان قاراعاندا شاعىن عانا لاشىققا ۇقسايتىن ٴۇيدىڭ اكۋستيكاسى كەرەمەت.

ستۋديانىڭ اتى – «دىبىس جازۋ مۇحيتى». ونى انتە جانە لارس ەسىمدى مۋزىكانتتار سالعان. كوپتەگەن دىبىس جازۋ ستۋديالارىنا تەرەزە سالىنبايتىنى بەلگىلى، ويتكەنى شىنى دىبىس تولقىندارىنا كەرى اسەر ەتەدى. ٴبىراق اتالعان ستۋديانىڭ تەرەزەلەرى بار، ويتكەنى مۋزىكانتتار تابيعاتقا قاراپ تۇرىپ، شابىتتانادى.

«دىبىس جازۋ ستۋدياسىندا تۇرعان كەزدە ٴوزىڭىزدى كەمەدە تۇرعانداي سەزىنەسىز. تەڭىز، تولقىندار مەن شەكسىز اسپان تابيعات پەن مۋزىكاداعى ۇيلەسىمدى تابادى. سوندىقتان اتاقتى مۋزىكانتتار ٴدال وسى جەردە دۇنيەگە كەلەدى»، - دەيدى انتە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي