BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ەگيپەتتە ايەلىنىڭ رۇقساتىنسىز ەكىنشى ايەل العان ەركەكتەر سوتتالۋى مۇمكىن

فوتو: NewCaucasus.com

ايەلىنىڭ رۇقساتىنسىز ەكىنشى ايەل العان ەركەك سوتتالۋى كەرەك. ەگيپەتتە پارلامەنت دەپۋتاتى ابلا حاۆاري وسىنداي زاڭ جوباسىن قابىلداۋدى ۇسىنادى، دەپ حابارلايدى baq.kz اقپارات اگەنتتىگى ۋكروپ.org سايتىنا سىلتەمە جاساپ.

دايىندالىپ جاتقان قۇجاتقا سايكەس، بۇل قۇقىق بۇزۋشىلىق ٴۇشىن 6 ايعا باس بوستاندىعىنان ايىرۋ تۇرىندەگى قىلمىستىق جاۋاپكەرشىلىككە تارتىلۋ كەرەك.

«كوپ ايەل الۋشىلىقتى جويۋ كەرەك، ٴبىراق ٴالى كۇنگە دەيىن وعان قول جەتكىزە الماي كەلەمىز. ازىرگە ٴبىرىنشى جانە ەكىنشى ايەلدىڭ قۇقىعىن قورعاۋدى قاداعالايتىن مەحانيزم ويلاپ تابۋىمىز كەرەك»، - دەيدى دەپۋتات.

ونىڭ ايتۋىنشا، ەگيپەتتە كوپتەگەن ايەلدەر جۇبايىنىڭ وزىنەن باسقا دا جۇبايلارى بار ەكەنىن بىلمەيدى جانە ٴبىرىنشى نەكەدەن تۋعان بالالار دا ەكىنشى نەكەدەن تۋىلعان باسقا دا باۋىر-قارىنداستارى بار ەكەنىن بىلمەيدى. وتاعاسى ومىردەن وزىپ، جىلجىمايتىن مۇلىكتى بولىسكەن كەزدە ٴارتۇرلى ماسەلەلەر تۋىندايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي