BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

دەنەسىنەن 16 ينە تابىلعان ٴسابي اۋرۋحانادان شىقتى

فوتو: nuz.uz

دەنەسىنەن 16 مەتالل ينە تابىلعان ٴسابي اۋرۋحانادان ۇيىنە جىبەرىلدى، دەپ حابارلايدى baq.kz اقپارات اگەنتتىگى «نوۆوستي ۋزبەكيستانا» باسىلىمىنا سىلتەمە جاساپ.

مەملەكەتتەگى دەنساۋلىق ساقتاۋ مينيسترلىگىنىڭ حابارلاۋىنشا، ٴسابي ۇزاق ۋاقىت بويى ەم العان. دەنەسىنەن 16 ينە تابىلعان ازيزبەك ابدۋمادجيدوۆ رەسپۋبليكالىق شۇعىل مەديسينالىق كومەك عىلىمي ورتالىعىنا قاڭتار ايىنىڭ ورتاسىندا كەلىپ ٴتۇستى. دارىگەرلەر وتا جاساپ، دەنەسىنە 13 ينە الىپ شىقتى. ايتۋلارىنشا، قالعان ٴۇش ينە دەنساۋلىعىنا ٴقاۋىپ توندىرمەيدى. اراعا ەكى اي سالىپ ٴسابي اتا-اناسىمەن بىرگە فەرعانا وبلىسىنداعى ۇيىنە كەتتى. ٴارى قاراي ازيزبەكتى ايماق دارىگەرلەرى باقىلايتىن بولادى.

«كۇيەۋىم ەكەۋىمىزدىڭ بەس جىل بويى بالامىز بولمادى. ٴبىز ازيزبەكتى اسىعا كۇتتىك. ۇلىمىزدى امان الىپ قالعان دارىگەرلەرگە ايتار العىسىم شەكسىز»، - دەيدى ٴسابيدىڭ اناسى شوحسانام بالتابايەۆا.

ٴالى كۇنگە دەيىن 11 ايلىق ٴسابيدىڭ دەنەسىنە ينەلەردىڭ قالاي كىرگەنى انىقتالمادى. دارىگەرلەر ازيزبەكتىڭ بۇل ينەلەردى جۇتپاعانىن ايتادى. ياعني بۇل ينەلەر ونىڭ اعزاسىنا تەرى ارقىلى تۇسكەن. تاشكەنتتە سابيگە وتا جاسالعان سوڭ، قۇقىق قورعاۋ ورگاندارى اتالعان فاكتىگە سايكەس تەرگەۋ جۇمىستارىن جۇرگىزىپ جاتقاندارىن ايتقان بولاتىن. ازىرگە تەرگەۋ ناتيجەلەرى جاريالانبادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي