BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

بۇۇ قاۋىپسىزدىك كەڭەسىنىڭ وتىرىسىنان نيككي حەيلي كەتىپ قالدى

فوتو: ашық дереккөзден

گازا سەكتورىنداعى جاعداي تالقىلانىپ جاتقان بۇۇ جانىنداعى قاۋىپسىزدىك كەڭەسىنىڭ وتىرىسىنان اقش وكىلى نيككي حەيلي پولەستينالىق ارىپتەسى رياد مانسۋر ٴسوز سويلەمەي تۇرىپ كەتىپ قالدى، دەپ حابارلايدى baq.kz اقپارات اگەنتتىگى rt سايتىنا سىلتەمە جاساپ.

بۇل ديپلوماتتىڭ پالەستينالىقتاردىڭ ايىپتاۋىنا كورسەتكەن نارازىلىعى بولدى.

بۇعان دەيىن، ٴوز سوزىندە نيككي حەيلي گازا سەكتورىنداعى احۋالدىڭ ۋشىعۋىنا حاماس قوزعالىسىن ايىپتاپ، اقش ەلشىلىگىن يەرۋساليمگە كوشىرۋ تۋرالى شەشىمنىڭ جاعدايدى قيىنداتىپ جىبەرگەنىن مويىنداۋدان باس تارتتى.

«بۇل (ەلشىلىكتى كوشىرۋ) الەمنىڭ الەۋەتىنە ەش كەدەرگى كەلتىرمەيدى»، - دەپ مالىمدەدى حەيلي.

ەستەرىڭىزگە سالا كەتەيىك، 2014 جىلعى يزرايل-پالەستينا اراسىنداعى سوعىستان كەيىن العاش رەت كەشە گازا ايماعىندا تاعى دا قاندى قاقتىعىستار بولدى. يەرۋساليمدە اقش ەلشىلىگى اشىلعان سوڭ، ودان بار بولعانى 50 ميل جەردە اتىس-شابىس بولىپ، يزرايل قارۋلى كۇشتەرى ونداعان پالەستينالىقتى گازا شەكاراسىندا اتىپ ٴولتىردى.

پالەستينا دەنساۋلىق ساقتاۋ مينيسترلىگىنىڭ حابارلاۋىنشا، بۇل قاندى قاقتىعىستا 58 ازامات قازا تاپقان. ترامپ اكىمشىلىگىنىڭ تەل-اۆيۆتەگى ەلشىلىكتى يەرۋساليمگە كوشىرۋ تۋرالى شەشىمى پالەستينالىقتاردىڭ جىنىنا تيگەن، وسى سەبەپتى دە ولار نارازىلىق كورسەتكەن.

گازادا كوز جاساۋراتاتىن گاز بەن اتقىش قۇرالداردى قولدانعان يزرايل اسكەريلەرى، ٴتىپتى، تانكتەرىن دە ىسكە قوسقان. پالەستينالىق شەنەۋنىكتەر ٴيزرايلدى قاتال جازا قولدانعانى ٴۇشىن ايىپتاپ، حالىقارالىق ۇيىمداردىڭ ارالاسۋىن سۇرادى. ولاردىڭ ايتۋىنشا، 2700 ادام جارالانعان. ازىرگە قازا تاپقاندار مەن جارالانعانداردىڭ جەكە مالىمەتتەرى انىقتالعان جوق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي