BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

بۇۇ فەيسبۋك جەلىسىن ميانماعا قاتىستى تەرىس اقپارات تاراتتى دەپ ايىپتادى

فوتو: Euronews

«داعدارىس كەزىندە ەلدىڭ اراسىنداعى ٴدۇمپۋدى باسۋدىڭ ورنىنا، فەيسبۋك ميانمانىڭ روحينگيا قالاسىنداعى ٴدىنارالىق وشپەندىلىكتى ٴورشىتتى». بۇۇ-نىڭ ميانماداعى جاعدايدى باقىلاۋعا العان وكىلى مارزۋكي دارۋسمان وسىلاي مالىمدەدى، دەپ حابارلايدى baq.kz اقپارات اگەنتتىگى cbsnews-كە سىلتەمە جاساپ.

«بۇل ەلدەگى كەرەعارلىق پەن قاقتىعىستاردى ودان سايىن ورشىتۋدە. ارينە، جەلىدەگى اقپاراتتى وقىعان ادامداردىڭ جەككورۋشىلىك سەزىمى ويانادى. فەيسبۋك الەۋمەتتىك جەلىسىن وسى سەبەپتى ايىپتايمىز»، - دەدى دارۋسمان.

ال دۇيسەنبى كۇنى بۇۇ-نىڭ ادام قۇقىعى تۋرالى كەڭەسى اتالعان ەلدەگى داعدارىس تۋرالى ەكى باياندامانى تىڭدادى. ونىڭ ٴبىرىن مارزۋكي دارۋسمان، ەكىنشىسىن ادام قۇقىقتارى جونىندەگى كەڭەسشى يان حە لي باياندادى.

«ٴبىز ۋلترناسيوناليست بۋدداشىلاردىڭ فەيسبۋك جەلىسىندە ارنايى پاراقشالاردى اشىپ، روحينيادا بولىپ جاتقان جاعداي تۋرالى ۇنەمى كەرەعار اقپارات تاراتىپ وتىراتىنىن انىقتادىق. ولار زورلىق پەن وشپەندىلىكتى ورشىتەتىن، ۇلتارالىق، ٴدىنارالىق قاقتىعىس تۋدىراتىن اقپاراتتار تاراتىپ وتىر. وسىلايشا، فەيسبۋك اراداعى جىرتقىشقا اينالدى»، - دەدى يان حە لي.

رەسمي تۇردە فەيسبۋك جەلىدە «وشپەندىلىك، زورلىق-زومبىلىق تۋدىراتىن اقپارات تاراتۋعا» تىيىم سالادى. الايدا، جەلىدە جاريالانعان جازبالارعا ەشكىم توسقاۋىل بولىپ وتىرعان جوق.

ايتا كەتەرلىگى، قازىرگى تاڭدا 700 مىڭ مۇسىلمان روحينيادان كورشى بانگلادەشكە كوشۋگە ٴماجبۇر. ال روحينيادان وزگە كاچين، شان شتاتتارىندا ەتنيكالىق توپتار مەن ۇكىمەتتىك اسكەريلەر اراسىنداعى كۇرەس كۇن ساناپ ورشۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي