BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

brexit: ۇلىبريتانيا ەكونوميكاسى قۇلدىراي باستادى

شەتەلدىك ينۆەستيسيالار تۋرالى جۇرگىزىلگەن سوڭعى زەرتتەۋلەر ناتيجەسىندە ۇلىبريتانيا ەكونوميكاسىنىڭ قۇلدىراي باستاعانى بەلگىلى بولدى، دەپ حابارلايدى baq.kz اقپارات اگەنتتىگى the independent باسىلىمىنا سىلتەمە جاساپ.

2017 جىلدىڭ ەسەبىندە ٴbrexit-تىڭ ۇلىبريتانيا ەكونوميكاسىنا ەداۋىر زالال كەلتىرگەنى ايتىلعان. ينۆەستيسيالاردىڭ تومەندەۋى، اسىرەسە، قارجى مەن بيزنەس-قىزمەتتەر سالاسىندا ەرەكشە بايقالعان.

ەۋروپا بويىنشا ينۆەستيسيالىق اعىمدى زەرتتەيتىن ey attractiveness report ۇيىمىنىڭ ەسەبىندە ۇلىبريتانياعا كىرگەن ينۆەستيسيانىڭ سيفرلىق ينۆەستيسيالاردىڭ 22 پايىزعا ارتۋ ەسەبىنەن 2017 جىلى 6 پايىزعا وسكەنى ايتىلادى. دەگەنمەن، 2017 جىلى ۇلىبريتانيادان سىرتقا كەتكەن ينۆەستيسيانىڭ ٴوسىمى ەداۋىر كوبەيگەن. ناقتىراق ايتساق، بىلتىر 464 ينۆەستيسيا مەملەكەتتى تاستاپ كەتكەن. بۇل كورسەتكىش ونىڭ الدىڭعى جىلمەن سالىستىرعاندا 35 پايىزعا كوپ. بىلتىر مەملەكەتتەن كەتكەن ينۆەستيسيانىڭ 110-ى گەرمانياعا، 79-ى فرانسياعا كەتكەن بولىپ شىقتى.

فيرمالاردىڭ بۋحگالتەرلىك ەسەپتەرى نەگىزىندە جۇرگىزىلگەن زەرتتەۋلەرگە سەنسەك، قارجى سالاسىندا مەملەكەتتەن كەتكەن ينۆەستيسيالىق جوبالار ٴبىر جىلدا 93 پايىزعا كوبەيگەن. ال بيزنەس سالاسىندا 7 پايىزعا ٴوسىم بايقالعان.

ۇيىم بايانداماسىندا فيرمالار باسەكەگە قابىلەتتى ەۋروپاعا كەتۋگە تالپىنىپ جاتقانى ايتىلادى. سەبەبى ۇلىبريتانيادا قالۋ ورتاق نارىقتان شىعۋ كەرەكتىگىن كورسەتەدى.

زەرتتەۋ ناتيجەسىندە بەلگىلى بولعانداي، شەتەلدىك ينۆەستورلار ٴۇشىن ەڭ تارتىمدى قالا رەتىندە پاريج تانىلعان. 2004 جىلدان بەرى بۇل ورىندا تەك لوندوننىڭ اتى اتالاتىن ەدى.

ey ەسەبىنە سەنسەك، ۇلىبريتانيادا كەمىگەن قارجى سالاسىنداعى ينۆەستيسيالىق جوبالار ەۋرووداقتا 13 پايىزعا ارتقان.

2017 جىلدىڭ جەلتوقسان ايىندا ۇلىبريتانيا ونەركاسىبى كونفەدەراسياسىنىڭ پرەزيدەنتى پول درەشسلەر برەكسيت كومپانيالارعا ەڭ ناشار بولجامدارعا دايىندالا بەرۋ كەرەكتىگىن مالىمدەگەن بولاتىن. ال ساراپشىلاردىڭ ايتۋىنشا، ۇلىبريتانيادان كەتكەن 464 جوبا شەتەلدەردە 20 مىڭ جۇمىس ورنىن اشادى.

اعىلشىن تىلىنەن اۋدارعان

التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي