BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

ٴبىر جاسار بالا ىشىمدىكتەن ۋلاندى

رەسەيدىڭ ۆلاديۆوستوك قالاسىندا ٴبىر جاسار بالا الكوگول ٴىشىپ ۋلاندى، دەپ حابارلايدى ۆaq.kz اقپارات اگەنتتىگى ريا نوۆوستي باسىلىمىنا سىلتەمە جاساپ.

بالا اراق ىشكەن كەزدە اناسى تۋعان كۇن تويلاپ، وعان ٴمان بەرمەي قويعان.

جەرگىلىكتى پوليسياعا «ٴبىر جاسار بالا الكوگولدەن ۋلانىپ، اۋرۋحاناعا جەتكىزىلدى» دەگەن حابارلاما كەلەدى.

«كامەلەت جاسقا تولماعاندار ٴىسى جونىندەگى ينسپەكتورلار تەكسەرگەن كەزدە بالا اناسى جانە ونىڭ زاڭسىز كۇيەۋىمەن تۇرىپ جاتقانىن انىقتادى. ۇلكەندەر تۋعان كۇن تويلاعان. اناسى ۇلىنىڭ ۇستەلدىڭ ۇستىنە شىعىپ كەتكەنىن بايقايدى. ول جەردە اۋزى اشىلعان الكوگول بوتەلكەلەرى تۇرعان. ايەل ۇلىن ٴتۇسىرىپ، ۇيىقتاتىپ تاستايدى. ٴبىراز ۋاقىت وتكەن سوڭ ول بالانىڭ ۇزاق ۇيىقتاپ جاتقانىن بايقايدى. تۇرعىزسا، ويانبايدى. سودان سوڭ جەدەل جاردەم شاقىرادى»، - دەلىنگەن پوليسيا حابارلاماسىندا.

دارىگەرلەر وعان شۇعىل كومەك كورسەتكەن. ٴقازىر دەنساۋلىعى جاقسى جانە ومىرىنە ەشقانداي ٴقاۋىپ ٴتونىپ تۇرعان جوق.

كامەلەت جاسقا تولماعاندار ٴىسى جونىندەگى ينسپەكتورلار بالانىڭ اناسىمەن اڭگىمەلەستى. وعان قاتىستى اكىمشىلىك حاتتاما تولتىرىلدى. ٴقازىر ونى ارنايى ينسپەكسياعا ەسەپ الۋ نە الماۋ ماسەلەسى قارالىپ جاتىر.

تەكسەرۋ ماتەريالدارى تەرگەۋشىلەرگە جولداندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي