BAQ.kz - Қазақстан жаңалықтары USD 345.68 BAQ.kz - Қазақстан жаңалықтары EUR 404.45 BAQ.kz - Қазақстан жаңалықтары RUB 5.48
استانا:

ارگەنتينالىق پالەونتولوگتار دينوزاۆرلاردىڭ جاڭا ٴتۇرىن اشتى – زەرتتەۋ

ارگەنتينالىق پالەونتولوگتار ٴىرى دينوزاۆرلاردىڭ جاڭا ٴتۇرىن اشتى، دەپ حابارلايدى baq.kz اقپارات اگەنتتىگى national geographic سىلتەمە جاساپ.

«ارگەنتينالىق پالەونتولوگتار توبى جاسى 200 ملن اساتىن ٴىرى زاۋروپودتىڭ سۇيەگىن تاۋىپ الدى. بۇل الپاۋىت دينوزاۆردى 30 ملن جاسقا دەيىن «قارتايتۋعا» مۇمكىندىك بەرەدى. زەرتتەۋ جۇمىستارىن سان-حۋان ۇلتتىق ۋنيۆەرسيتەتىنىڭ ماماندارى جۇرگىزدى. جانۋاردىڭ دەنە مۇشەلەرىنەن الىنعان سىناما ناتيجەسىندە ماماندار بۇل سۇيەكتەر بۇعان دەيىن بەيمالىم بولعان زاۋروپودقا تيەسىلى دەپ قورىتىندى شىعاردى»، - دەلىنگەن حابارلامادا.

جاڭا تۇرگە ingentia prima - «ٴبىرىنشى الپاۋىت» دەگەن اتاۋ بەرىلگەن.

عالىمداردىڭ پايىمىنشا، ونىڭ بويىنىڭ ۇزىندىعى 8-10 م دەيىن، ال سالماعى 10 تونناعا دەيىن جەتۋى مۇمكىن.

«ول ترياس ٴداۋىرىنىڭ سوڭىندا ٴومىر سۇرگەن، شامامەن 210-205 ملن جىل بۇرىن، سول كەزدىڭ وزىندە اناتوميالىق ەرەكشەلىكتەرى بولعان جانە ناتيجەسىندە زاۋروپودتارعا ٴتان قاسيەتكە اينالعان. اتاپ ايتقاندا، ولار وتە ۇزىن الدىڭعى اياقتارى مەن موينى، سونىمەن قاتار، وتە جۋان ارتقى اياقتارى مەن ومىرتقا بويىندا اۋا قۋىستارىنىڭ پايدا بولۋى. سونىمەن قاتار، «ٴبىرىنشى الپاۋىت» وزىمەن بىرگە سول كەزدە ٴومىر سۇرگەن ٴىرى دينوزاۆرلاردان ۇزىندىعى بويىنشا 3 ەسە ۇلكەن بولعان»، - دەيدى عالىمدار.

اتاپ وتكەندەي، بۇعان دەيىن پالەونتولوگتار كەسىرتكەلەردە الىپتىق يۋرا داۋىرىندە، وسىدان 180 ملن جىل بۇرىن پايدا بولدى دەپ ەسەپتەپ كەلگەن.

«ٴشوپ قورەكتىلەردىڭ دەنە ماسساسىنىڭ ارتۋىن عالىمدار «ەۆوليۋسيالىق جارىلىس» دەپ اتاپ وتىر: بۇل «ۆەگەتارياندارعا» جىرقىشتاردان قورىقپاۋعا مۇمكىندىك بەردى جانە ولاردىڭ اتالعان ٴداۋىر بويىنشا جەتىستىككە جەتۋىن تۇسىندىرەدى»، - دەپ تۇيىندەدى عالىمدار.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي