BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

امستەردامدا كورمەگە قيناماي ولتىرەتىن ماشينا ۇلگىسى قويىلدى

فوتو: Lenta.ru

امستەردامدا جەرلەۋ يندۋسترياسى كورمەسىنە ٴوزىن-وزى ولتىرۋگە ارنالعان قۇرىلعىنىڭ ٴپروتوتيپى قويىلدى، دەپ حابارلايدى baq.kz اقپارات اگەنتتىگى lenta.ru سايتىنا سىلتەمە جاساپ.

بۇل قۇرىلعىنى گوللاندتىق ديزاينەر الەكساندر باننينك پەن اۆستراليالىق بەلسەندى فيليپپ نيچكە ويلاپ تاپتى. ولار ۇزاق جىلدار بويى ەۆتانازيانى زاڭداستىرۋ ٴۇشىن كۇرەسكەن.

قۇرىلعىنىڭ ىشىندە ازوت پەن الىنىپ-سالىناتىن كاپسۋلا بار. كاپسۋلا ىشىنە وز-وزىنە قول جۇمسايتىن ادام جاتادى.

«وزىنە قول جۇمساعىسى كەلگەن ادامنىڭ ازداپ باسى اينالىپ، ودان كەيىن ەسىنەن تانىپ، و دۇنيەگە اتتانادى»، - دەيدى نيچكە.

قۇراستىرۋشىلار جۇمىس ىستەيتىن قۇرىلعىنى ورناتۋدى وسى جىلدىڭ اياعىنا جوسپارلاپ وتىر. كورمەدە قۇرىلعىنىڭ ۇلگىسى عانا قويىلعان.

1996 جىلى فيليپ نيچكە اۆتراليانىڭ سولتۇستىك بولىگىندە ەۆتانازيانى زاڭداستىرۋعا قول جەتكىزگەن. بيلىكتەگىلەر قابىلداعان زاڭدى كوپ ۇزاماي وزگەرتىپ، ەۆتانازياعا تىيىم سالعان، ٴبىراق زاڭدى قايتا وزگەرتكەنگە دەيىن ٴتورت ادام نيچكەنىڭ كومەگىمەن ومىردەن وزىپ كەتكەن.

2008 جىلى گەرمانيادا ايىقپاس دەرتكە شالدىققان ادامداردىڭ ٴوز ەركىمەن ومىردەن كەتۋلەرىنە ارنالعان قۇرىلعى جاسالعان. بۇل جوبانى نەمىس ساياساتكەرى، دارىگەر رودجەر كۋش قولداعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي