BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الەمدە تەرروريزم قۇرباندارىنىڭ سانى ٴۇش جىلدا ەكى ەسەگە كەمىگەن

الماتى، baq.kz. تەرروريزم قۇرباندارىنىڭ سانى 2014 جىلعىمەن سالىستىرعاندا 44% كەمىگەن، 2017 جىلدىڭ قورىتىندىسى بويىناشا بۇل كورسەتكىش 18،8 مىڭ ادامدى قۇراعان. بۇل جايىندا لوندونداعى ەكونوميكا جانە بەيبىتشىلىك ينستيتۋتىندا «جاھاندىق تەرروريزمنىڭ يندەكسى» بايانداماسىندا ايتىلدى، جەپ جازادى تاسس.

بايانداما اۆتورلارىنىڭ مالىمەتىنشە، تەرروريستەر قولىنان قازا تاباتىن ادامدار سانى وسىمەن ٴۇشىنشى جىل تومەندەپ كەلەدى. وعان باستى سەبەپتىڭ ٴبىرى رەتىندە يرەك پەن سيرياداعى دايش سودىرلارى كۇشىنىڭ السىرەۋىن مىسالعا كەلتىرەدى. سيريادا لاڭكەستەردىڭ قولىنان قازا تاپقان ادامدار سانى ٴبىر جىل ىشىندە ەكى ەسەگە ازايعان. بۇل كورسەتكىش 2017 جىلى – 1،1 مىڭ ادامدى قۇراسا، 2016 جىلى – 2،1 مىڭ، 2015 جىلى – 2،7 مىڭ ادامدى قۇراعان. يراكتا 2017 جىلى 4،5 مىڭ ادام لاڭكەستەردىڭ قۇربانى بولعان، ودان ٴبىر جىل بۇرىن 9،8 مىڭ ادام كوز جۇمعان.

«سيرياداعى كورسەتكىشتى ٴبىز ونداعى دايش-قا قارسى ٴساتتى جۇرگىزىلگەن وپەراسيالارمەن بايلانىستىرۋدامىز جانە بۇل قارقىن ٴوز جالعاسىن تابادى دەگەن ويدامىز. دايش كوپ ايماعىنان ايرىلىپ، قارجىلاندىرۋ كوزدەرىنەن دە قاعىلۋدا. 2017 جىلى دايش بەلسەندى تەرروريستىك توپتىڭ ٴبىرى بولىپ قالعان ەدى، سونداي-اق ەكىنشى ورىندا تۇرعان "دجەبحات ان-نۋسرا" توبى دا كوپ شابۋىل جاساۋدا»، -دەيدى ەكونوميكا جانە بەيبىتشىلىك ينستيتۋتىنىڭ نەگىزىن قالاۋشى كاسىپكەر ستيۆ كيللەلەا.

ونىڭ ايتۋىنشا، لاڭكەستىك توپتار جويىلعانىمەن، ونىڭ ورنىنا جاڭا ٴبىر توپ پايدا بولىپ وتىرادى.

«تەرروزيمنىڭ كەلبەتى وزگەرمەلى. كەيبىر توپتار قۇرىپ كەتەدى، الايدا ۇنەمى جاڭاسى پايدا بولىپ وتىرادى. ٴبىزدىڭ ساناعىمىز بويىنشا 2017 جىلى الەمدە ادام ولىمىنە اكەلگەن تەراكتىلەردى 169 توپ ىسكە اسىرعان، ونىڭ ٴ42-سى جاڭا ۇيىمدار»، -دەيدى كيللەلەا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي