BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الەم رف-مەن قالاي كۇرەسۋ كەرەك ەكەنىن ۋكراينادان ۇيرەنۋى كەرەك – اۆاكوۆ

فوتو: ашық дереккөзден

ۋكراينانىڭ ىشكى ىستەر ٴمينيسترى ارسەن اۆاكوۆ اقش-قا بەس كۇندىك جۇمىس ساپارمەن باردى. ساپاردىڭ باستى تاقىرىبى رەسەيلىك گيبريدتىك سوعىسقا قارسىلىق كورسەتۋ، دەپ حابارلايدى baq.kz اقپارات اگەنتتىگى ۆەدومستۆونىڭ ٴباسپاسوز قىزمەتىنە سىلتەمە جاساپ.

15 ساۋىردە ۋكراينانىڭ ىشكى ىستەر ٴمينيسترى ارسەن اۆاكوۆتىڭ اقش-قا جۇمىس ساپارى باستىلدى. ونىڭ اياسىندا ۆەدومستۆو باسشىسى مەمدەپارتامەنت، فتب جانە كونگرەسس وكىلدەرىمەن كەزدەسەدى.

«ٴبىزدىڭ ساپار – ىسكەرلىك ساپار، وعان ساياسي جانە ٴىىم قىزمەتىنە قاتىستى ماسەلەلەر كىرەدى. باستى ماسەلە رەسەيلىك گيبريدتىك سوعىسقا قارسى تۇرۋ. ٴبىز الدىڭعى قاتارلى ەلدەردىڭ تاجىريبەسىن مەڭگەرۋگە دايىنبىز، الايدا الەم رەسەيدىڭ گيبريدتىك سوعىسىنا قارسى تۇرۋدى بىزدەن ۇيرەنۋى كەرەك»، − دەپ مالىمدەدى اۆاكوۆ.

فەدەرالدى تەرگەۋ بيۋروسىمەن ىنتىماقتاستىقتى نىعايتۋ ماقساتىندا ۇيىمداسقان، اتاپ ايتقاندا رەسەيلىك قىلمىسقا قارسى تۇرۋ ماسەلەلەرى قاراستىرىلادى.

«سولسبەريدەگى جاعدايدى، سيرياداعى بەيبىت ادامدارعا حيميالىق شابۋىلدىڭ جاسالۋى، سايلاۋ پروسەسستەرىنە ارالاسۋ جانە كيبەرقاۋىپتى ەسكەرەتىن بولساق بۇل وتە ماڭىزدى»، − دەپ اتاپ ٴوتتى ٴىىم باسشىسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي