BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

الەم حالقىنىڭ جارتىسىنا جۋىعى كەدەي – دب

استانا، baq.kz. الەمدە حالىقتىڭ كەدەيلىك دەڭگەيى تومەندەپ كەلەدى. دەگەنمەن، الەم حالقىنىڭ جارتىسىنا جۋىعى كۇنىنە 5،5 دوللارعا كۇنەلتەدى. بۇل تۋرالى دۇنيەجۇزىلىك بانكتىڭ (دب) 17 قازان - دۇنيەجۇزىلىك كەدەيلىكپەن كۇرەس كۇنى جاريالاعان ەسەبىندە ايتىلدى.

دۇنيەجۇزىلىك بانك ەسەبىنشە، كەدەيلىكتىڭ تومەنگى شەگىندە (ٴبىر ادامنىڭ كۇنىنە 1،9 دوللاردان از اقشاعا ٴومىر ٴسۇرۋى) ٴومىر سۇرەتىندەر ۇلەسى سوڭعى جىلدارى ازايا باستاعانىمەن، دامىعان ەلدەردەگى كەدەي حالىقتىڭ ۇلەسى ارتىپ كەلەدى.

قىتايدا سوڭعى جىلدارداعى ەكونوميكالىق وسىمگە بايلانىستى شىعىس ازيا مەن تىنىق مۇحيتى ايماعى ەلدەرىندە كەدەيلىك دەڭگەيى 60 پايىزدان 35 پايىزعا دەيىن ازايعان. الايدا، دۇنيەجۇزىلىك بانك ايماقتاعى ەكونوميكالىق ٴوسىم باياۋلاي باستاعاندىقتان بولاشاقتا بۇل دەڭگەيدى ۇستاپ تۇرۋ قيىنداۋى ىقتيمال ەكەنىن ايتادى.

ال كەدەيشىلىك افريكانىڭ ساحارا ايماعىنداعى ەلدەردە مىقتاپ ورنىققان. بۇل ايماقتا حالىقتىڭ 84،5 پايىزى كۇنىنە 5،5 دوللاردان از اقشاعا ٴومىر سۇرەدى.

1998 جىلى الەمدەگى حالىقتىڭ 60 پايىزى تابىسى از ەلدەردە ٴومىر سۇرگەن بولسا، 2015 جىلى بۇل كورسەتكىش توعىز پايىزعا ازايعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي