BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

اقش-تا 17 جاسقا تولماعاندار نەكەگە تۇرا المايدى

اقش-تىڭ فلوريدا شتاتىندا 17 جاسقا تولماي تۇرىپ ۇيلەنۋگە نە تۇرمىس قۇرۋعا تىيىم سالىندى، دەپ حابارلايدى baq.kz اقپارات اگەنتتىگى cbsnews.com باسىلىمىنا سىلتەمە جاساپ.

11 جاسىندا زورلىققا ۇشىراپ، سول ادامعا تۇرمىسقا شىعۋعا ٴماجبۇر بولعان شەرري دجونسون اقش قىزدارى مەن جاس جىگىتتەرگە وي سالدى. ول ٴوز باسىنان وتكەن تراگەديانىڭ الدىن الۋ ٴۇشىن 6 جىل بويى كۇرەسىپ، اقىرى اتالعان زاڭنامانىڭ ەنۋىنە ىقپال ەتتى. 109-1 داۋىسپەن كامەلەت جاسىنا تولماعاندارعا ەندى شاڭىراق كوتەرۋگە تىيىم سالىندى.

«مەن باقىتتىمىن، ويتكەنى، بالالاردى اداسۋدان نەمەسە زورلىقتان قورعاۋ – ٴبىزدىڭ باستى پارىزىمىز. زورلىقتىڭ قۇربانى بولىپ، كوپ زارداپ شەكتىم. الايدا، مەن بۇل قيىندىقتى جەڭىپ شىقتىم»، - دەيدى شەرري دجونسون.

سەنات الدىمەن 18 جاسقا دەيىنگى ازاماتتارعا نەكە قييۋعا تىيىم سالۋ تۋرالى شەشىم شىعارعانىمەن، پالاتا وكىلدەرى اياعى اۋىر جاندارعا رۇقسات الۋعا تىرىستى. دەگەنمەن، 17 جاس بەلگىلەندى. تەك ەكى تاراپتىڭ اتا-اناسى كەلىسكەن جاعدايدا، اياعى اۋىر بولۋ تۋرالى فاكتى كەزدەسكەندە، 16، 17 جاستاعى ازاماتتارعا ۇيلەنۋگە رۇقسات بەرىلەدى.

2012-16 جىلدار ارالىعىندا فلوريدادا 1 828 نەكە 17 جاسقا تولماعان ازاماتتار اراسىندا قيىلعان. ونىڭ جەتەۋى 13-كە تولماعاندار، 29-ى 14 جاسقا جەتپەگەندەر ەكەن. سوندىقتان، اتالعان زاڭنامانىڭ ٴدال وسى شتات تۇرعىندارىنا پايداسى تيەرى ٴسوزسىز دەيدى ساراپشىلار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي