BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

اقش ەلشىسى الماتىنى ورتالىق ازياداعى يننوۆاسيالار ورتالىعى دەپ اتادى

فوتو: Казинформ

الماتىدا وتكەن maker faire ٴبىرىنشى ورتالىق ازيا فەستيۆالىنە وڭىردەگى ەلدەردەن ينجەنەرلەر، سۋرەتشىلەر، عالىمدار، جاس كاسىپكەرلەر جينالدى، دەپ حابارلايدى baq.kz اقپارات اگەنتتىگى.

«ٴبىز قازاقستانداعى ارىپتەستەرىمىزبەن بايلانىستى دامىتقىمىز كەلەدى. سوندىقتان، اقش ديپميسسياسى بۇل فەستيۆالدى وسى جاقتا وتكىزۋدى ۇسىندى. نەگە قازاقستاندا دەسەڭىز، سەبەبى، الماتى – وڭىردەگى يننوۆاسيالار مەن تەحنولوگيالار ورتالىعى. بۇل ورتالىق ازيا ٴۇشىن حالىقارالىق ماڭىزى بار قالا. فەستيۆالگە ايماقتاعى بارلىق مەملەكەتتىڭ وكىلدەرى قاتىسىپ وتىر. مەن قىرعىزستان، تاجىكستان، تۇركىمەنستان، وزبەكستان، اۋعانستان ەلدەرىنەن كەلگەن ازىرلەمەشىلەرمەن اڭگىمەلەستىم. اقش-تان كەلگەن ازاماتتار دا بار»، - دەدى دجوردج كرول.

سونىمەن قاتار، كرول يننوۆاسيالاردى دامىتۋ ماسەلەسىندە قازاقستاننىڭ الەۋەتى جوعارى ەكەنىن ايتىپ، مۇنداعىلار تەحنولوگيالار جايىن جاقسى تۇسىنەتىنىن جەتكىزدى.

«مەن قازاقستاندى رەسەي نەمەسە اقش-پەن سالىستىرا المايمىن. مۇمكىن، ول جاقتا حالىق كوپ بولعاندىقتان، تەحنولوگيا دا كۇشتىرەك داميتىن شىعار. ٴبىراق، قازاقستان مەن رەسەيدەگى ادامداردىڭ قابىلەتى بىردەي»، - دەدى ول.

قازاقستاننىڭ سەرىكتەسى بولىپ تابىلاتىن اقش رەسپۋبليكانىڭ تەحنولوگيا تۇرعىسىنان دامۋىنداعى ۇكىمەت باعىتىنا اركەز قولداۋ كورسەتەتىنىن ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي