BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

800 جىل بۇرىن سۋ استىندا قالعان كەمەنىڭ قۇپياسى اشىلدى

يندونەزيا جاعالاۋىنداعى ياۆا وزەنىندە باتىپ كەتكەن كونە كەمەنىڭ قالدىقتارى وسىدان ونداعان جىل بۇرىن تابىلدى. «قىتايدا جاسالعان» دەگەن جازۋى بار مىڭداعان جاپسىرما مەن زات قۇپياعا تولى بولاتىن. ەندى عالىمدار بۇل كەمەنىڭ قۇپياسىن اشتى، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

چيكاگو تابيعي تاريح مۇراجايىنىڭ زەرتتەۋشىلەرى كەمە قالدىقتارى مەن زاتتارىنان ونىڭ قايدان كەلگەنىن انىقتاۋ ٴۇشىن دالەلدەرىن بىرىكتىردى. archaeological science جاريالاعان زەرتتەۋ ماقالادا عالىمدار كوپتەگەن زاتتىڭ قۇپياسىن اشقان.

بالىقشىلار بۇل كەمەنى 1980 جىلى تاۋىپ العان. مىڭداعان كەراميكالىق زات، شويىن جانە ٴپىل سۇيەگىنەن جاسالعان قىمبات بۇيىمدار اعاش كەمە اپاتقا ۇشىراعان سوڭ سۋ استىندا قالىپ قويعان.

1996 جىلى ارحەولوگتار قالدىق زاتتاردى سۋدان شىعارعان سوڭ، ولار 13-عاسىر جادىگەرلەرىن تاپتىق دەگەن بولجام جاساعان. ويتكەنى، قۇمىرالاردىڭ بىرىندە جازىلعان ۋاقىت 13-عاسىردى بىلدىرگەن. عالىمداردىڭ بولجاۋىنشا، بۇل كەمە ياۆا وزەنى ارقىلى قىتايدىڭ وڭتۇستىگىندەگى سيۋانچجوۋ ەلدى مەكەنىنەن تۋبانعا قاراي ساپار شەككەن.

1990 جىلدار سوڭىندا تابىلعان زاتتاردىڭ جارتىسى، ياعني 7 500 جادىگەر چيكاگوداعى مۇراجايعا تاپسىرىلدى. 2014 جىلى مۇراجاي ارحەولوگى ليزا نيزيولەك قىتاي جانە جاپونيا كەراميكالىق تاجىريبەلەر جۇرگىزەتىن عالىمدارمەن قاتىناس ورناتىپ، جادىگەرلەردىڭ كوپشىلىگى 11،12-عاسىرلاردا جاسالعانىن انىقتادى.

نيزيولەك پەن ونىڭ ارىپتەستەرى گەري فەينمان، دجۋن كيمۋرا، اماندا رەسپەسس، لۋ چجان تەزدەتىلگەن ماسس-سپەكتومەتريا دەپ اتالاتىن راديومەترلىك مەرزىم انىقتاۋ ٴتاسىلىن قولدانىپتى.

«ٴبىزدىڭ ايلامىز java sea wreck كەمەسىنىڭ ٴبىرىنشى زەرتتەۋگە قاراعاندا 100 جىل بۇرىن باتقانىن انىقتادى. ياعني، 12-عاسىردىڭ ەكىنشى جارتىسىندا كەمە سۋعا باتقان. 13-عاسىر ەمەس» دەدى نيزيولەك. «ٴجۇز جىلداي ۋاقىتتىڭ ايىرماشىلىعى قانداي؟» دەگەن ساۋالعا عالىم: «12-عاسىردا تەڭىز ساۋداسى دامىپ، ەكونوميكالىق اشىق ساياساتقا كوشتى. وڭتۇستىك سۋن ديناستياسى قىتايعا شەتەلدىكتەردى كىرگىزگەننەن گورى قىتايلىق تاۋار تاسىمالداۋشىلاردى ەلدەن شىعارۋ ساياساتىن ۇستاندى. وڭتۇستىك-شىعىس ازيادا تەڭىز جولى ساۋدا-ساتتىق ٴۇشىن ٴدال وسى مەرزىمدە كەڭ قولدانىلا باستادى» دەپ جاۋاپ بەردى. «قىتايدا جاسالعان» دەگەن ماركا وسى كەزدە پايدا بولدى دەيدى عالىم.

كەمە قالدىقتارىن زەرتتەۋ وڭايعا سوقپاعان. ماسەلەن، وزەن سۋىنىڭ تۇزدى بولۋى ارتەفاكتاردىڭ ساقتالۋىنا كەدەرگى كەلتىرەدى. ۇرلىق تا بۇل رەتتە ورىن العان. جادىگەرلەردى انىقتاعان تۇرعىندار ەشكىمگە ايتپاي، ولاردى ۇرلاپ ساتىپ جىبەرگەن.

اعىلشىن تىلىنەن اۋدارعان

التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي