BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

12 بالا قالىپ قويعان تايلاندتاعى ۇڭگىر تۋريستىك نىسانعا اينالۋى مۇمكىن

فوتو: Pixabay

وسى ماسەلە بويىنشا تۇپكىلىكتى شەشىمدى تابيعي رەسۋرستار جانە قورشاعان ورتانى قورعاۋ مينيسترلىگى قابىلدايدى، دەپ حابارلايدى baq.kz اقپارات اگەنتتىگى rt پورتالىنا سىلتەمە جاساپ.

فۋتبول كومانداسىنىڭ 11-16 جاس ارالىعىنداعى 12 وقۋشىسى مەن 1 جاتتىقتىرۋشىسى قۇتقارىلعان تايلاندتاعى ۇڭگىر تۋريستىك نىسانعا اينالۋى مۇمكىن.

تايلاندتاعى ۇلتتىق پاركتەر باسشىسىنىڭ ورىنباسارى ٴباسپاسوز كونفەرەنسياسىندا ول جەر الەمدىك دەڭگەيدەگى كورىكتى جەرگە اينالاتىنىن ايتتى.

«قازىرگى داعدارىس جاعدايىندا جۇمىس تۋرالى ايتقىم كەلمەيدى، ٴبىراق بىزدە الەمدىك دەڭگەيدەگى تۋريستىك نىسان بار دەپ ايتۋعا بولادى»، - دەدى ول.

شەنەۋنىكتىڭ ايتۋىنشا، وسى ماسەلە بويىنشا تۇپكىلىكتى شەشىمدى تابيعي رەسۋرستار جانە قورشاعان ورتانى قورعاۋ مينيسترلىگى قابىلدايدى.

ەسكە سالا كەتسەك، فۋتبول كومانداسىندا وينايتىن 12 ٴجاسوسپىرىم مەن ولاردىڭ باپكەرى 23 ماۋسىمدا جوعالىپ كەتكەن بولاتىن. 10 كۇن وتكەن سوڭ عانا ولار تحام-لۋانگ ۇڭگىرىندە ٴتىرى تابىلدى. ولار 7 شاقىرىمدىق ۇڭگىرگە كىرگەن كەزدە سۋ باسقان. تايلاندتا ٴقازىر جاۋىن ماۋسىمى. ۇڭگىردەن بالالاردى ەۆاكۋاسيالاۋ وپەراسياسى ٴۇش كەزەڭنەن تۇردى جانە ٴۇش كۇنگە سوزىلدى. وعان الەمنىڭ بىرنەشە ەلىنەن جۇزدەگەن ماماندار قاتىستى. يلون ماسكتىڭ ٴوزى بالالاردى قۇتقارىلعان بالالار تۋرالى بەينەجازبانى ٴوز instagram-ىنا جاريالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي