USD 336.23 EUR 360.3 RUB 5.28
استانا:

ايگەرىم كاسىپتىڭ كىلتىن تاپتى

شاعىن جانە ورتا كاسىپكەرلىك – ەل ەكونوميكاسىن دامىتىپ، الەمدىك ساۋداداعى ابىرويىن اسىراتىن سالا. سوندىقتان مەملەكەت كاسىپپەن اينالىساتىن جاندارعا قولداۋ كورسەتىپ كەلەدى. وسى مۇمكىندىكتى پايدالانىپ، ەڭبەكپەن كاسىپ قىلۋ- ۋاقىت تالابى. بۇگىنگى تاڭدا كاسىپتىڭ كىلتىن تاۋىپ، ەر ازاماتتارمەن بىردەي قىزمەت ەتىپ جۇرگەن قىز- كەلىنشەكتەر از ەمەس. سولاردىڭ ٴبىرى – جەكە كاسىپكەر ايگەرىم گايۋپوۆا ادال قىزمەتىمەن كوپتىڭ العىسىن الىپ، قۇرمەتكە بولەنىپ كەلەدى.

اۋدان ورتالىعىنداعى ا.ىزتەلەۋوۆا كوشەسى بويىنداعى ايگەرىمنىڭ «ٴتاتتى» ناۋبايحا- نا كونديتەرلىك دۇكەنىنە سوعۋدىڭ ٴساتى ٴتۇستى. دۇكەنگە كەلۋشىلەردىڭ قاراسى كوپ. سورەلەرگە نان ونىمدەرىمەن بىرگە تورت، پەچەنە، سامسا، كەكس سەكىلدى كونديتەرلىك تاعامداردىڭ تۇرلەرى قويىلىپتى. ساتۋشىلاردىڭ ٴبىرى ساۋدا جاساپ، ٴبىرى سۇرانىس قابىلداپ قىزمەت كورسەتۋدە. مۇنداعى ساتۋشى قىز- كەلىنشەكتەردىڭ كەلۋشىلەرگە ىستىق ىقىلاسى مەن ٴىلتيپاتىن كورىپ سۇيسىنەسىڭ. دۇكەن ٴىشى تاپ-تازا، كاسسالىق اپپارات جۇمىس ىستەپ تۇر. اماندىق-ساۋلىقتان سوڭ ايگەرىمگە ۇيرەنشىكتى ساۋالىمىزدى قويدىق. –جالپى ەڭبەك جولىڭىز، كاسىبىڭىز تۋرالى ايتىپ بەرسەڭىز...

–مەن وزبەكستاننىڭ استاناسى تاشكەنت قالاسىنا جاقىن مانداعى بۇرىنعى كالينين اتىنداعى اۋىلدا دۇنيەگە كەلگەنمىن. مەكتەپتى بىتىرگەن سوڭ تاشكەنتتەگى رەسپۋبليكالىق پەداگوگيكالىق ينستيتۋتقا وقۋعا ٴتۇسىپ، ورىس ٴتىلى ماماندىعى بويىنشا ٴبىتىرىپ شىقتىم. «قىز – جات جۇرتتىق» قوي، ٴدام-تۇز بۇيىرىپ، كەلىن بولىپ سىر ەلىنەن ٴبىر-اق شىقتىم. اۋدان ورتالىعىنداعى №123 دارىندى بالالار مەكتەبىندە ماماندىعىم بويىنشا ٴدارىس بەرىپ ۇرپاق تاربيەلەدىم. 5 بالامەن 53 جاستا زەينەتكەرلىككە شىققان سوڭ كاسىپكە بەت بۇردىم. مىنە ٴۇش جىلدان بەرى كاسىبىمنىڭ ٴناسىبىن كورىپ كەلەمىن،-دەدى ايگەرىم ٴومىر جولىمەن تانىستىرىپ. تالاپ تاۋدى جىعادى. قارەكەت قىلماي بەرەكەت بولماس، كاسىپكەرلىككە تىركەلگەن ايگەرىم ىسكە كىرىستى. كەز كەلگەن جۇمىستىڭ تەتىگى قارجىعا كەلىپ تىرەلەدى. قارجىنىڭ كوزىن ىزدەدى.

شۇكىر، ٴقازىر ەلىمىزدە كاسىپكەرلىككە كەڭ جول اشىلىپ، جۇمىس جاسايتىن ادامدارعا مۇمكىندىك بەرىلىپ وتىر. ىزدەنىپ ٴجۇرىپ نەسيە الۋدىڭ جولىن تاپتى. قاجەتتى قۇجاتتارىن دايىنداپ «دامۋ» كاسىپكەرلىكتى دامىتۋ قورىنان 3 ميلليون نەسيە الۋعا قول جەتكىزدى. سول قارجىعا رەسەيدەن شىققان شاعىن ناۋبايحانا قۇرال-جابدىقتارىن ساتىپ الىپ، ٴۇيىنىڭ الدىنداعى ەكى بولمەلى ساراي عيماراتىنا ورنا- لاستىردى. شاعىن ناۋبايحانانىڭ قۇرال-جابدىقتارىنىڭ تۇرلەرى كوپ. نان ونىمدەرى مەن كونديتەرلىك تاعام دايىنداۋ جۇمىستارى ەلەكترلى قۇرىلعىمەن اتقارىلادى. سانيتارلىق تالاپقا ساي ۇن تۇراتىن قويما، دايىن ونىمدەر ساقتالاتىن بولمەسى بار. دۇكەندە ٴۇش ادام جۇمىس ىستەيدى. وسىندا قىزمەت ەتەتىن سارسەنكۇل الىبايەۆا، شامشىراق بەگىمبەتوۆا، ەلميرا يگەنبەرديەۆالار ٴوز ٴىسىنىڭ ماماندارى دەسە دە بولادى. قاي مەزگىلدە بارساڭىز دا دۇكەن ەسىگى ايقارا اشىق. قىزمەت جاساپ، قۇرمەت كورسەتەدى. بۇل دۇكەندەگى ٴبىر ەرەكشەلىك – تەمەكى مەن ىشىمدىك تۇرلەرى ساتىلمايدى ەكەن. قولدان دايىندالاتىن كونديتەرلىك تاعام تۇرلەرى، ساپالى ٴارى باعالارى دا كوڭىلگە قونىمدى. –ماقسات – اقشا جيناپ بايىپ كەتۋ ەمەس، حالىققا قىزمەت ەتۋ.

بال ۇستاعان بارماعىن جالايدى، وتباسىلىق بيزنەسىمىز بار. مەكتەپتەردەن، مەرەيتويلار مەن مەرەكەلەردە سۇرانىستار كوپ بولادى. ەڭ باستىسى، دۇكەن قىزمەتىنە تۇرعاندار ٴدان ريزا، نەسيە قارىزىمىزدى ۋاقىتىمەن قايتارۋدامىز-دەگەن ايگەرىم الداعى جۇمىس جوسپارىمەن دە ٴبولىستى. اتاپ ايتقاندا، كەلەشەك تاعى ٴبىر نان پىسىرەتىن پەش الىپ، كاسىبىنىڭ اياسىن كەڭەيتپەك ەكەن. سوسىن مەيرامحانالارعا بارعاندار كوبىنەسە ىشىمدىك ٴىشىپ، ۋلاپ-شۋلاپ، دەمالا المايدى. سوندىقتان عيمارات سالىپ، جاستار بارىپ مادەنيەتتى تۇردە دەمالاتىن ارنايى ورىن اشۋ ويىندا بار ەكەن. بۇل ارينە، كەلەشەكتىڭ جۇمىسى. دەسەك تە، كاسىپكەردىڭ بۇل جۇمىستاردى قولعا الىپ، حالىق يگىلىگىنە قىزمەت ەتەتىنىنە كامىل سەندىك. اۋدان حالقى كەزىندە اۋدان باسشىسى بولىپ ەل باسقارعان، سوعىس جانە ەڭبەك ارداگەرى بولتاي تاسىبايەۆتىڭ وتباسىن باق قونىپ بەرەكە دارىعان مەرەيلى وتباسى رەتىندە قۇرمەت تۇتادى. اتا-ەنەگە قىزمەت ەتىپ العىسىن العان ايگەرىم ومىرلىك سەرىگى بەرىك تاسىباي ەكەۋى 1 ۇل، 4 قىز تاربيەلەپ ٴوسىرىپ، كەلىن ٴتۇسىرىپ، نەمەرە ٴسۇيىپ وتىر.

سەرىك بەرتايەۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي