USD 334.89 EUR 361.61 RUB 5.28
استانا:

الەم ساياساتكەرلەرى ەلباسى جايلى نە دەيدى؟

فوتو: Ақтөбе газеті

رەجەپ تايىپ ەردوعان،

تۇركيا پرەزيدەنتى:

«اسا قادىرمەندى پرەزيدەنت مىرزا، مەنىڭ اياۋلى باۋىرىم! الدىڭعى جىلى تۇركياداعى پرەزيدەنتتى ۇلىقتاۋ راسىمىنە ٴسىز ارنايى كەلىپ قاتىستىڭىز. مەن مۇنى ٴسىزدىڭ ماعان عانا ەمەس، بارشا تۇرىك جۇرتىنا قۇرمەتىڭىز دەپ تۇسىنەمىن. ٴسىز تۇركى جۇرتىنىڭ اقساقالى رەتىندە قازاقستان مەن تۇركيا اراسىنداعى باۋىرلاستىقتى نىعايتۋعا ايانباي تەر توگىپ كەلەسىز. مەن ٴسىزدى ۇلگى تۇتاتىنىمدى جاسىرمايمىن».

باراك وباما،

اقش-تىڭ بۇرىنعى پرەزيدەنتى:

«پرەزيدەنت نازاربايەۆ - الەمدىك ساياساتتاعى ەڭ بەدەلدى تۇلعالاردىڭ ٴبىرى. ونىڭ «يادرولىق قارۋسىز الەم» جوباسى الەم كوشباسشىلارىن تاڭ قالدىرعان جوبا بولدى. قازاقستان يادرولىق قارۋدان ٴوز ەركىمەن باس تارتا وتىرىپ، الەمدەگى ەڭ بەيبىت، تۇراقتى مەملەكەت قۇرۋدىڭ جارقىن ۇلگىسى بولدى. يادرولىق قارۋدان باس تارتۋ ارقىلى قازاقستاندىقتار الەم ەلدەرىنىڭ قاۋىپسىزدىك كەپىلىنە يە بولدى. بۇل ٴوز كەزەگىندە قازاقستاندى الەمدەگى ەڭ تۇراقتى مەملەكەتكە اينالدىردى».

ۆلاديمير پۋتين،

رەسەي فەدەراسياسىنىڭ پرەزيدەنتى:

«نۇرسۇلتان ٴابىش ۇلى ساياساتقا ەرتە كەلگەن. ول سوناۋ كەڭەستىك كەزەڭدەگى بيلىكتىڭ وكىلى. مەنى تاڭ قالدىراتىنى – ەرتە ۋاقىتتان بەرى ساياساتتا جۇرگەنىمەن – ول - وتە جاڭاشىل ادام. مەن كۇنى بۇگىنگە دەيىن ونىڭ وسى جاڭاشىلدىعىنا قايران قالامىن. مەن جاقىندا نۇرسۇلتان ٴابىش ۇلىنىڭ جاڭا قاسيەتىن تانىدىم. ول داۋلى، شەشىمى قيىن جاعدايلاردا سەنتيمەنتالدى ادام بولا الادى. ول - ۇقىپتى ٴارى ٴادىل باسشى. قازاقستان ٴۇشىن نازاربايەۆ – تاريحي تۇلعا. ول قازاق حالقى ٴۇشىن تۇڭعىش پرەزيدەنت قانا ەمەس، ول - قازاق مەملەكەتىنىڭ نەگىزىن قالاۋشى».

پان گي مۋن، بۇۇ باس حاتشىسى:

«پرەزيدەنت نازاربايەۆ - الەمدىك ساياساتتاعى بىتىمگەر ساياساتكەر. ونىڭ ساياسي شەشىمدەرى الەم باسشىلارى ٴۇشىن ۇلگى بولۋى ٴتيىس».

المازبەك اتامبايەۆ،

قىرعىزستان رەسپۋبليكاسىنىڭ پرەزيدەنتى:

«مەن قىرعىز حالقى اتىنان، وسى ەلدىڭ پرەزيدەنتى رەتىندە، قازاقستان پرەزيدەنتى - ٴبىزدىڭ اقساقالىمىز، اسا مارتەبەلى نۇرسۇلتان ٴابىش ۇلىنا كورسەتىپ وتىرعان كومەگى مەن قولداۋى ٴۇشىن ۇلكەن العىسىمدى ايتامىن. مەنىڭ بۇل ٴسوزىم كەيبىرەۋلەرگە ۇناماي قالۋى مۇمكىن. دەگەنمەن نازاربايەۆ مىرزا تەك قازاقستاننىڭ عانا كوشباسشىسى ەمەس، ول - الەم ليدەرلەرىنىڭ ٴبىرى. ول - بۇكىل تۇركى جۇرتىنىڭ ماقتانىشى. ونىڭ ەڭبەك جولى بۇكىل الەمدە بەيبىتشىلىك ورناتۋعا باعىتتالعان».

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي