USD 334.89 EUR 361.61 RUB 5.28
استانا:

ەل مەرەكەسى

فوتو: Altaynews.kz

قازاقستان رەسپۋبليكاسى پارلامەنتىنىڭ ۇيعارىمىمەن 1 جەلتوقسان - تۇڭعىش پرەزيدەنت كۇنى بولىپ جاريالاندى. بۇل – ەلباسىمىز نۇرسۇلتان نازاربايەۆتىڭ باسشىلىعىمەن ەلىمىز جەتكەن جەتىستىكتەر مەن الەمدەگى ابىروي – بەدەلىنە تاعى ٴبىر مارتە وي جۇگىرتىپ، قورىتىندى جاسايتىن كۇن. ناقتىراق ايتقاندا، بۇل كۇننىڭ اتاۋى عانا پرەزيدەنت كۇنى، ايتپەسە ول – حالىق مەرەكەسى. ولاي دەيتىنىمىز، پرەزيدەنت حالىققا، تيىسىنشە حالقىمىز ەلباسىنا شەكسىز سەنەدى. تاۋەلسىزدىك الاردا ەلىمىزدە ساياسي- ەكونوميكالىق جاعداي كۇندە وزگەرىپ جاتتى. مەملەكەتتىڭ ساياسي جۇيەسىنىڭ دامۋ- ىن بولجاۋ جانە جوسپارلاۋ ەڭ ماڭىزدى ماسەلەگە اينالدى. ٴبىزدىڭ ەلدىڭ باقىتىنا وراي، مەملەكەت تىزگىنىن 1990 جىلى الەمنىڭ ەڭ كورەگەن، ەڭ كەمەل زاماناۋي ساياساتشىلارىنىڭ ٴبىرى، قازاقستاننىڭ تۇڭعىش پرەزيدەنتى نۇرسۇلتان نازاربايەۆ قولىنا الدى. ول ەۋرازيا قۇرلىعىنداعى تۇبەگەيلى بەتبۇرىستاردىڭ باعىتىن دۇرىس اڭداپ، ٴوز حالقىنىڭ سۇرانىسى مەن مۇڭ-مۇقتاجىن، وعان كەرەكتىنى الدىمەن ٴتۇسىندى. جاس مەملەكەتتىڭ ساياسي جانە ەكونوميكالىق جۇيەسىن وسى قاجەتتىلىكتەر مەن سۇرانىستارعا ورايلاستىرىپ قۇرۋعا بەل شەشە كىرىستى. ەلباسىنىڭ كورەگەندىگى، بولاشاقتى ۋاقىت شەگىنەن ٴارى قاراي كورە بىلەتىن قاسيەتى، ەلدى مەملەكەتكە پايدالى وزگەرىستەرگە جۇمىلدىرا ٴبىلۋى قازاقستاندا قوعامدىق وزگەرىستىڭ ەڭ كۇردەلى كەزەڭىن ايتارلىقتاي شىعىنسىز، داۋ – دامايسىز، قاقتىعىس – دۇربەلەڭسىز، كيكىلجىڭسىز وتكەرۋىنە مۇمكىندىك بەردى. قاراپ وتىرساق، بۇگىندە كورشىلەس ەل- دەرمەن مەملەكەت شەكاراسىنىڭ بەلگىلەنۋى، قورعانىس اسكەرىنىڭ قۇرىلۋى، مەملەكەتتىك رامىزدەردىڭ قابىلدانۋى، ٴتول تەڭگەمىزدىڭ شىعارىلۋى، مەملەكەتتىك ٴتىلدىڭ مارتەبە الۋى، شەت ەلدەردەگى قانداستارىمىزدىڭ قايتا ورالا باستاۋى سياقتى ٴىرى دە، مەملەكەتتىك ماڭىزى بار كەلەلى ىستەردىڭ بارىندە پرەزيدەنتىمىزدىڭ قولتاڭباسى بار. ەل يگىلىگى ٴۇشىن استانادا ٴتۇرلى سامميدتەر، ٴدىنباسىلارى، مەملەكەت كوشباسشىلارى، بيزنەس وكىلدەرى، مادەنيەت قايراتكەرلەرىنىڭ باسقوسۋلارى ٴوتىپ جاتىر. ٴتىپتى، الەمدىك «ەحرو - 2017» كورمەسى استانادا وتەتىن بولدى. ول دەگەن ٴسوز ەلىمىزگە قىرۋار ين- ۆەستيسيا كەلەدى، 100-دەن استام ەلدىڭ ەڭ ۇزدىك جەتىستىكتەرى كورمەگە قويىلىپ، ولاردى وندىرىسىمىزگە ەنگىزۋ ارقىلى ەكونوميكالىق ٴورىسىمىز كەڭەيەدى. مۇنىڭ ٴبارى ٴبىزدىڭ پرەزيدەنتىمىزدىڭ الەمدىك دەڭگەيدەگى بەدەلىن ايقىنداي تۇسەدى. ەلباسىمىز ورتا ازيا ەلدەرى مەملەكەتتەرىنىڭ كوشباسشىسى اتانىپ، وعان تۇرىك مەملەكەتىنىڭ استاناسىن- دا ەسكەرتكىش قويىلدى. بۇگىندە ەلباسىنىڭ مەملەكەتتى قالىپتاستىرۋداعى ايقىن دا، ناقتى جوسپارعا تۇزىلگەن ستراتەگيالىق قادامدارىنىڭ قانشالىقتى ماڭىزدى بولعانى ايقىن بىلىنۋدە.

مىسالعا، ەل ورداسىنىڭ الماتىدان استاناعا كوشىرىلۋىن الىپ قارايىقشى. شەشىم قابىلدانار تۇستا، كوپشىلىك، ٴتىپتى پرەزيدەنتتىڭ ەڭ جاقىن دەگەن سەرىكتەرىنىڭ ٴوزى بۇل شەشىمنىڭ ٴوزىن اقتايتىندىعىنا كۇمان كەلتىرگەن بولا- تىن. ەلباسى نۇرسۇلتان نازاربايەۆ جاڭا قازاقستاننىڭ ورداسى ەلدىڭ قاق ورتاسىندا، قاق جۇرەگىندە بولۋى تيىستىگىن ايتىپ، زاماننىڭ قانشالىقتى قيىن بولىپ تۇرعانىنا قاراماستان ويلاعان ويىن اقىرى جۇزەگە اسىردى. نۇرسۇلتان ٴابىش ۇلىنىڭ تاعى ٴبىر كورەگەندىگىنىڭ دالەلى - قازاقستان حالقى اسسامبلەياسىنىڭ جۇمىسى ەكەنى داۋسىز. راس، كوپ رەتتە قازاقستان اۋماعىنداعى تاتۋلىق پەن تۇراقتىلىق ەلدىڭ يەسى – قازاق حالقىنىڭ سابىر ساليقالىعى مەن شىدامدىلىعىنىڭ ارقاسىندا مۇمكىن بولىپ كەلە جاتىر. دەگەنمەن، قازاق حالقىنا باسقا ۇلتتاردىڭ سىيلاستىقپەن قاراپ، ٴارى بارلىق ۇلت وكىلدەرىنىڭ ٴوزارا تۇسىنىستىكتە عۇمىر كەشىۋىنە ەشبىر مەملەكەتتىڭ تاجىريبەسىندە بۇرىن – سوڭدى بولماعان، الەمدە تەڭدەسى جوق قوعامدىق ينستيتۋت – قازاقستان حالقى اسسامبلەياسى دا ٴوزىنىڭ زور سەپتىگىن تيگىزىپ وتىرعانى شىندىق. قازاقستان حالقى اسسامبلەياسى مەملەكەتتىڭ ەلدەگى ۇلتارالىق تاتۋلىقتى بارلىق ۇلت وكىلدەرىنىڭ پىكىرلەرى مەن پايىمدارىن ەسكەرە وتىرىپ، ورتاق شەشۋگە ىقىلاستى ەكەنىن كورسەتتى. اسسامبلەيانىڭ قۇرىلۋىنىڭ ٴوزى قازاقستاندا تۇراتىن سانى از بولسا دا، كوپ بولسا دا كەز كەلگەن ۇلت وكىلىنىڭ ٴوزىن قوعامدىق ۇردىستەردەن شەت قالماي، بارشا يگىلىكتىڭ ورتاسىندا بولا- رىنا سەنىمىن نىعايتتى. ٴسويتىپ، قازاعىن دا، قازاق ەمەسىن دە ورتاق وتانى – قازاقستاندى سۇيەتىن شىنايى پاتريوتتىققا تاربيەلەدى. تاعى ٴبىر اسا ماڭىزدى جاي، 1997 جىلدىڭ 1 قازانىندا قازاقستان رەسپۋبليكاسىنىڭ پرەزيدەنتى نۇرسۇلتان ٴابىش ۇلى نازاربايەۆ قازاقستان حالقىنا تۇڭعىش جولداۋى – «قازاقستان - 2030» ستراتەگياسىن جاريالادى. ول ەلىمىزدىڭ زاماناۋي تاريحىنا تۇڭعىش رەت قازاقستاننىڭ دامۋ باعىتىن الداعى 30 جىلعا ايقىندايتىن ۇزاق مەرزىمدى جوسپار رەتىندە، ٴتۇيىندى تۇردە دايىندالعان اسا ماڭىزدى قۇجات رەتىندە ەندى. وتكەنگە كوز جۇگىرتسەك، «قازاقستان - 2030» باعدارلاماسىن مەرزىمىنەن الدەقايدا بۇرىن ورىنداپ، ەندى «قازاقستان - 2050» ستراتەگياسىن جۇزەگە اسىرۋ جولىندا تولاعاي تابىستارعا قول جەتكىزۋمەن قاتار ەلىمىز جوسپارلاعان مەجەدەن الدە قايدا ىلگەرلەي وزىپ بارادى. ەڭ باستىسى حالىقتىڭ قازىرگى جاعدايى كوڭىل تولتىرارلىقتاي. ەلباسىنىڭ «نۇرلى جول»، «بيزنەس- 2020»، «سىباعا»، «قۇلان»، «التىن اسىق»، «100 مەكتەپ، 100 اۋرۋحانا»، «قولجەتىمدى باسپانا»، «بالاپان» سياقتى ٴتۇرلى الەۋمەتتىك - ەكونوميكالىق باعدارلامالاردىڭ ارقاسىندا ٴبىزدىڭ اۋ- داندا دا ەگىنشىلىك پەن مال شارۋاشىلىعى دامىپ، قانشاما مەكتەپ، اۋرۋحانا، بالاباقشالار مەن مادەنيەت ۇيلەرى حالىقتىڭ پايدالانۋىنا بەرىلدى.

ەلىمىزدىڭ شىعىسى مەن باتىسىن، وڭتۇستىگى مەن تەرىسكەيىن جالعايتىن داڭعىلدار جاسا- لىپ، « ۇلى جىبەك جولى» مەملەكەتىمىزگە قانشاما تابىس اكەلۋدە. ەلدىڭ ورتاشا تابىسى جىلدان جىلعا ارتىپ، زەينەتكەرلەر مەن مۇگەدەكتەر الەۋمەتتىك جاعىنان ٴتيىستى زاڭدار تالاپتارىنا سايكەس قورعالىپ كەلەدى. ۇلت كوشباسشىسىنىڭ جەتەكشىلىگىمەن قازاق ەلى xxi – جاڭا عاسىردا ناقتى مىندەتتەرى مەن ولاردى جۇزەگە اسىرۋ جولدارىن ايقىن كورىپ، ستراتەگيالىق دامۋ جوسپارىنا سۇيەنىپ، وزىندىك «قازاقساندىق جولىمەن» قارىشتاپ العا باسا بەرەتىنىنە سەنەمىز. وسىلايشا قازاقستاننىڭ الەمدەگى دامىعان 30 ەلدىڭ قاتارىنا كىرىپ، تالاپتا- رى قاتال جاھاندانۋ زامانىندا ەشكىمنەن قاعاجۋ كورمەي، ٴوز كۇشىمەن وركەندەيتىن كۇنى دە الىس ەمەس. تاۋەلسىزدىكتىڭ 25 جىلدىعى قارساڭىندا تۇڭعىش پرەزيدەنت كۇنى وتەتىنىن اقسۋلىقتار دا زور قۋانىشپەن قابىلداپ، مەكتەپ وقۋشىلارى «ەلدىڭ اتىن ەر شىعارادى» تاقىرىبىندا شىعارما جازسا، انشىلەرىمىز وبلىستىق «ەلىم دەپ سوققان جۇرەگى» پاتريوتتىق ٴان بايقاۋىندا ۇزدىك شىقتى. سونىمەن قاتار «ٴبىز سالاۋاتتى ٴومىردى قولدايمىز» اتتى سپورتتىق ويىندار مەن دوڭگەلەك ۇستولدەر ۇيىمداستىرىلدى. «قازاقستاننىڭ تۇڭعىش پرەزيدەنتى» دەپ اتالاتىن قولونەر شەبەرلەرىنىڭ كورمەسى، «الەمدىك دەڭگەيدەگى ساياساتكەر» اتتى كىتاپ كورمەسى كورسەتىلىپ، «جۇمىسپەن قامتۋ- 2020» باعدارلاماسى بويىنشا اشىق ەسىك كۇنى ٴوتتى. بۇگىنگى پرەزيدەنت كۇنى - شىن مانىندە حالىقتىڭ ەلباسىنا دەگەن زور قۇرمەتىنىڭ، وزدەرىنىڭ جانە جاس ۇرپاقتىڭ بولاشاعىنا دەگەن سەنىمىنىڭ مەرەكەسى دەسەك، الداعى ۋاقىتتا دا ٴار ۇيدە مولشىلىق بولىپ، قۋانىشتى ساتتەر كوبەيە بەرسىن. پرەزيدەنتىمىز امان بولسىن، ەل امان بولسىن، تاۋەلسىز قازاقستان ٴوسىپ - وركەندەي بەرسىن!

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي